Мала

Мала — ауыл шаруашылық құралы. Топырақ кесегін уақтап, майдалап, егістік бетін тегістеу үшін қолданылады. Маланың тіркемелі, аспалы, беті тегіс, тісті, шынжыр тісті түрлері бар. Топырақ құрамына байланысты, мысалы, шым-батпақты топырақты жерлерге беті тегіс мала, қызылша егісіне шынжыр тісті мала қолданылады. Күздік, жаздық дақылдар атызына төгілген тыңайтқыш, шашылған көң беті маламен тапталып, егістік сонан кейін жыртылады. Агрегатқа топырақтың беткі қабатын қопсытатын маламен қатар оның төменгі қабатын таптап, нығыздайтын маланы да тіркейді.