Малды суретке түсіру

Малды суретке түсіру - малдың тұлғасына, дене пішіміне баға беруде қолданылатын тәсілдің бірі. Басқа тәсілдерден біршама артықшылықтары бар. Суреттерге қарап малдың сырт пішініндегі ұрпақтан-ұрпаққа берілген ұқсастықты немесе, керісінше, өзгерісті байқауға болады; суреттері бойынша малдың өзін көрмей-ақ салыстыруға болады; әр кездегі суреттері бойынша бір малдың жасына байланысты сырт пішініндегі өзгерістерді аңғарады. Сонымен қатар, малдың суреті тұқымдарын насихаттау, жарнама және оку құралдарында пайдалану үшін өте қажетті көрнекті құрал. Малды суретке түсіргенде суреттің шындыққа жақын болуына үлкен мөн беріледі. Ол үшін суретке түсіргендегі малдың тұрысы, оның табиғи жағдайына сәйкес төрт аяғы түгел көрінуі шарт.