Малсырға

Малсырға - бір-бірінен ажырату үшін малдың құлағына тағатын нөмірленген сырға. Малсырғаны өндірістік жолмен шығару қалыптасқан. Түліктің түріне байланысты (сиырға, қойға, шошқаға) малсырға әр түрлі заттан жасалады. Малсырғаны малдың құлағына арнайы қысқаштар арқылы тағады. Малсырға тағу, яғни малды сырғалау - мал тұқымын асылдаңдыру және малдәрігерлік жұмыс жүргізу үшін міндетті шаралардың бірі. Нақтылы бір мал туралы деректер (туған жылы, ата-тегі, берген өнімі, малдәрігерлік сақтандыру-емдеу шаралары) барлық мал құжаттарында құлағындағы малсырғаның нөмірі бойынша тіркеледі.