Мал суару

Мал суару - малға уақытыңда қажетті мөлшерде су беру. Әр малға қажет су мөлшері малдың жасына, өнімділігіне, ауа райына, жұмысқа пайдалану ретіне, берілетін жемшөп түріне байланысты. Мал ішетін су биологиялық, химиялық, физикалық құрамы жағынан таза болу керек. Шаруашылық үшін ыңғайлы ретіне, түліктің түріне қарай, қорада немесе ашық алаңда автосуарғыштан суару, құдық басында суару, табиғи суаттан (өзен, көл, бұлақтан) суару сияқты мал суарудың әр түрлі тәсілдері қолданылады.