Маневрлер

Маневрлер — жергілікті жерде, теңізде, әуеде операцияларды (ұрыс қимылдарын) соғысқа жақын жағдайда дайындау мен жүргізудің маңызды мәселелерін шешу мақсатында өткізілетін әскерлердің (күштердің) оперативтітактикалық және оперативті-стратегиялық ауқымдағы екі жақты жаттығуы. Маневрлер жаттығулармен қатар әскерлерді (флот күштерін, авиацияны), командирлерді, құрамалар мен бірлестіктердің штабтарын оқытудың, олардың ұрысқа дайындығын тексерудің, әскерлердің (күштердің) далалық, әуедегі және теңіздегі машыктануының дәрежесін тексерудің жоғарғы нысаны болып табылады. Нұсқаулар мен жарғылардың қагидалары, қару-жарақ пен әскери техниканы қолдану тәсілдері тексеріледі, әскери кимылдар театрынын ерекшеліктері мен оның жеке бағыттары зерттеледі. Маневрлерге қатыстырылатын бірлестіктер, құрамалар мен бөлімдер штаттық қару-жарағымен, әскери техникасымен және материалдық құралдардың көрсетілген қорымен бірге толық, құрамда шығарылады. Маневрлер нәтижелері жинақтап, қорытылып, офицерлік құрамға, штабтарға және әскерлерге бүйрықтар, нұсқаулар, және талдау материалдары түрінде жеткізіледі. Барлық мемлекеттердің армияларында маневрлерге көп көңіл бөлінеді. НАТО басшылығының жоспары бойынша және осы блоктың армиясының бас штабының жоспары бойынша әр түрлі масштабтағы көптеген маневрлер жыл сайын өткізіледі.