Маневрлілік

Маневрлілік (Маневренность) —

1) қарулы күштер түрлері мен әскер түрлеріндегі олардың қозғалыстағы жылдамдық дәрежесін, қозғалысты тез жүзеге асыра алуын, ұрыстық ретке жайылуын және ұрыс қимьиідары кезіндегі маневрлерін сипаттайтын оперативтіктактикалық қабілеті. Мотоаткыштар және танкілік әскерлер бөлімшелерінің, бөлімдерінің, құрамаларының маневрлілігі ұйымдасқан түрде қысқа уақыт ішінде топтар (ұрыстық рет) құруы, тандалған бағыттарда күштер мен құралдарды шоғырландыру, су кедергілерін шабуылмен ету және богеттерден өту, кираған, өртенген, уланған аймактардан өту қабілеттері болып табылады. Ракеталық және артиллериялық әскерлер үшін маневрлілік — олардың тез арада старттық және атыс позицияларына орналасып, оларды ауыстыру, атысты (соққыны) шоғырландыру немесе ауыстыру максатында бағытты, атыс қашықтығын өзгерту. ӘӘК құрамалары мен бөлімдері үшін маневрліліктің негізгі көрсеткіші қыска мерзімде маңызды жауынгерлік тапсырманы орындауға авиаціія күшін шоғырландыру, оны қозғалыстың басқа бағыттарына бағыттау, орналасу аэродромдарын ауыстыру қабілеттері. ӘТФ-ында Маневрлілік — козғалыстың жылдамдығы мен бағытын тез өзгерту, қысқа мерзімді ұрыстық (жорықтық) ретті қайта құру, ұрыс барысында күштерді ауыстыру қабілеттері болып ұғынылады.

2) Әскери техниканың жергілікті жерде, суда, әуеде жылдамдығы мен бағытын тез өзгерту мүмкіндігі. Маневрлілік техникалық құралдардың тактикалықтехникалық сипаттамаларымен анықталады.