Манцинелла

Уикипедия — ашық энциклопедиясынан алынған мәлімет
Jump to navigation Jump to search
Hippomane mancenilla port.JPG

Манцинелла ағашы немесе манцинелла - батыс жарты шарында өседі (Флорида штаты, Кариб теңізінің және Багаманың елдері).


Ол бізге әлемдегі ең улы ағаш ретінде белгілі. Оның айналасында қызыл ленталар жиі байланып тұрады-бұл адамдарға ағаштың маңына жақын жолауға болмайды деген белгі.
Ол ағаштың маңынан екі метрдей қашықтықта жүрген жөн. Оның жемісі "ранетка" алмаларына ұқсас, оның дәмін татқан адамға бірден жедел жәрдем көмегі қажет болады. Манцинелла ағашынан бөлінетін сүтті сөл адам терісін күйдіріп жібереді.
Қабығы да улы, манцинелла ағашын өртесе, оның түтінінен көздің соқыр болып қалуы мүмкін. Осы айтылған мәліметтердің арқасында, манцинелла ағашы қазіргі кезде "Гиннестің рекордтар кітабына" әлемдегі ең қауіпті ағаш ретінде енген.
Аңыз бойынша, испандық конкистадор Хуан Понсе де Леон қайтыс болған. Ол 1521 жылы Флоридаға алтын іздеу үшін және де сол жердің аймақтарын өзім ашқанмын деп иемдену үшін оралған болатын. Әрине, жергілікті тұрқындар жайдан-жай жерлерін бере салмақшы емес еді. Жер үшін күресте де Леонның аяғын манцинелла ағашының уы сіңген садақпен жаралайды. Ол ұзақ қиналып жан тапсырады.
Радиология консультанты Николь Стрильменд "Британдық медицина" журналында өзінің манцинелла ағашының жемісін қалай жеп қойғанын жариялайды.
Кариб аралындағы Табагода мереке кезінде, ол жағалаудағы құмда жатқан манго, кокостардың арасында кішкентай жасыл жемістерді байқайды. Бұл жемістер күміс түстес ағаштан түскен болар деп, дәмін татып, дәмді екенін байқайды. Оның жолдасы да жемістің дәмін татып көреді. Бірер мезеттен соң, олар ауыздары біртүрлі ашып, одан соң күйдіріп бара жатқанын сезіп, көздерінен жас шығып, тамақтары түйілгендей болады. Ауырсынғаны соншалықты, тамақтарынан бір түйір ас өтпей қалады. Тек бір сүт қана ауыр,анды сәлде болса басқандай болды. Тек сегіз сағаттан соң ғана ауырсынғаны басыла бастайды.

Дереккөздер[өңдеу]

Ортаққорда бұған қатысты медиа файлдар бар: Hippomane mancinella