Марат Ескендірұлы Жәркенов

Уикипедия — ашық энциклопедиясынан алынған мәлімет
Навигацияға өту Іздеуге өту

Марат Ескендірұлы Жәркенов (1939 жылы туған, Ақмола, қазіргі Астана қаласы) - техника ғылым доктары (1994), ҚР Минералдық ресурстар академиясының толық мүшесі (1996). Қазақ политех институтын (1962, қазіргі Қаныш Сәтбаев атындағы ҚазҰТУ) тау-кен инженері мамандығы бойынша бітірген. Жәркенов еңбек жолын Жезқазған шахталарындағы қызметтердің көптеген сағыларынан өтіп, ашық кен қазбалау кенішінің жұмыстарына да қатысты.

Жезқазған ғылыми-жобалау институтының бас инженері, директоры (1982-89), Жезқазған кен-металлургия комбинатының бас инженері (1989-94), ҚР Экономика министрінде Өндірістік саясат басқармасының бастығы (1995-96) болып істеді. Бұл жұмыстарда академик Сәтбаевтың көздеген ой-жобаларын, дәрістері мен ғылыми еңбектерін зерттеп, жобалау және ғылыми жұмыстарына арқау етті; нәтижесінде Жәркенов өндіріс жұмыстарына нақтылы қатысы бар көптеген ұсыныстар енгізді. Жәркеновтың ғылыми еңбектері негізінен жаңа технология, мен техниканы Жезқазған кен өндірісіне енгізу жолдарына бағытталды. Кен өндірісінің айтулы ұйымдастырушысы, мемлекет қайраткері, профессор Жәркенов ұлы ұстазы Сәтбаевтың жолын ұстанған жас ұрпақтың үлгілі өкілдерінің бірі.[1]

Дереккөздер[өңдеу | қайнарын өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8