Марат Кәрімұлы Мұстафин

Уикипедия — ашық энциклопедиясынан алынған мәлімет
Jump to navigation Jump to search

Марат Кәрімұлы Мұстафин (1952 жылы 7 мамырда Торғай облысы, Жангелді ауданының Ақкөл кеңшарында туған) -- қазақстан саясаткері.

Биография[өңдеу]

  • Қазақ химия-технологиялық институтының құрылыс-инженерлік факультетін (1973) құрылыс инженері-технолог мамандығы бойынша; Алматы экономика және статистика институтының экономика факультетін (2002) экономист мамандығы бойынша бітірген. Қазақ және орыс тілдерін біледі. КОКП мүшесі (1977-1991), «Отан» ХДП мүшесі (2000 жылдан).
  • 1968 жылдан - қазақ химия-технологиялық институтының студенті. 1973 жылдан - Қаз КСР Ауыл шаруашылығы министрлігінің «Қазауылшартетік» тресінің Есіл керамзит- бетон бұйымдары зауытында бетон қалыпқа құю цехының шебері, бастығы, зауыттың бас технологы.
  • 1981 жылдан - Қазақстан Компартиясы Есіл аудандық комитетінің өнеркәсіп-көлік бөлімінің меңгерушісі.
  • 1987 жылдан - ҚазКСР Ауыл шаруашылығы министрлігінің «Қазауыл-шартетік» тресіндегі керамзит-бетон зауытының директоры.
  • 1993 жылдан - Арқалық қалалық әкімшілігінің басшысы, Арқалық қаласының әкімі.
  • 1996 жылдан - Баға және монополияға қарсы саясат комитетінің Торғай облысы бойынша төрағасы.
  • 1997 жылдан - Баға және монополияға қарсы саясат комитетінің Ақмола облысы бойынша төрағасының орынбасары.
  • 1998 жылдың наурызынан - Баға және монополияға қарсы саясат комитетінің Ақмола облысы бойынша төрағасы.
  • 1998 жылдың тамызынан - ҚР Табиғи монополияларды реттеу және бәсекелестікті қорғау комитетінің Ақмола облысы бойынша төрағасы.
  • 1999 жылдан - ҚР Табиғи монополияларды реттеу, бәсекелестікті қорғау және шағын бизнеске қолдау көрсету агенттігінің Ақмола облысы бойынша департаментінің директоры.
  • 2002 жылдан - ҚР Табиғи монополияларды реттеу және бәсекелестікті қорғау агенттігінің Ақмола облысы бойынша департаментінің директоры.
  • 2004 жылдан - ҚР Табиғи монополияларды реттеу агенттігінің Ақмола облысы бойынша департаментінің директоры.
  • 2005 жылдан - ҚР Табиғи монополияларды реттеу агенттігінің Ақмола облысы бойынша Басқармасының директоры.
  • 2008 жылдың наурызынан - ҚР Табиғи монополияларды реттеу агенттігінің Ақмола облысы бойынша департаментінің директоры.
  • 2008 жылдың қыркүйегінен бері - ҚР Табиғи монополияларды реттеу агөнттігінің Солтүстік Қазақстан облысы бой- ынша департаментінің директоры.
  • Есіл аудандық және қалалық Халық депутаттары кеңестерінің (1983-1989),
  • Целиноград облыстық Халық депутаттары кеңесінің (1989-1990),
  • Торғай облыстық Халық депутаттары кеңесінің (1990-1993) депутаты.

Марапаттары[өңдеу]

«Құрмет» (2007) орденімен, «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған.

Басқа мәліметтер[өңдеу]

Әскери атағы - запастағы майор. Діни көзқарасы - дінді құрметтейді. Саяси қайраткер ретіндегі идеалы - Д.А. Қонаев, Н.Ә. Назарбаев. Қазақстанның болашағы туралы болжамы - «Бәсекеге қабілетті экономикасы бар, көпұлтты халқының маңызды ерекшеліктері мен салт-дәстүрлерін есепке алып үйлесімдеп отыратын, еркін адамдардың демократиялық және өркендеген қоғамы болып табылатын қазіргі заманғы Қазақстан». Хоббиі - футбол жанкүйері және спорттық телехабарлардың көрермені, жаяу жүру. Сүйіп оқитын әдебиеті - Қазақстанның тарихы.

Семья[өңдеу]

Қазақ. Әкесі - Мұстафин Кәрім, зейнеткер, мұғалім болып жұмыс істеген. Анасы - Мұстафина Нәбира, марқұм, мұғалім болған. Үйленген. Жұбайы - Мұстафина Гүлнәр Мәлгаждарқызы (1950 жылы туған), үй шаруасымен айналысады. қызы - Мұс- тафина Роза Маратқызы (1973 жылы туған); ұлдары - Мүстафин Ерлан Маратұлы (1977 жылы туған), Мұстафин Ержан Маратұлы (1987 жылы туған). Немересі - Аружан (2009 жылы туған).[1]

Дереккөздер[өңдеу]

  1. Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2