Марат Мұхаметқалиұлы Барлыбаев
Марат Мұхаметқалиұлы Барлыбаев 1960 жылы 13 сәуірде Талдықорған облысы Андреев ауданының Келбай ауылында туған. Қазақ.
Әкесі - Барлыбаев Мухаметқали (1907-1977) , ҰОС қатысқан, мұғалім болған. Анасы - Барлыбаева Сәмен (1916 жылы туған), зейнеткер.
Алматы халық шаруашылығы институтының қаржы-несие факультетін (1981) «Қаржы және несие» мамандығы бойынша бітірген.
Қазақ және орыс тілдерін біледі.
1981 жылдан - КСРО Мемлекеттік банкі Талдықорған облыстық кеңсесі Қалалық басқармасы сауданы несиелеу бөлімінің экономисі. 1982жылдан -КСРО Мемлекеттік банкі Талдықорған облыстық кеңсесі сауданы несиелеу бөлімінің экономисі . 1983 жылдан - Кеңес Әскерінің қатарында қызметте. 1985 жылдан - КСРО Мемлекеттік банкі Андреев бөлімшесін басқарушының орынбасары (1988 жылдың қаңтарынан - Агроөнеркәсіп банкі бөлімшесі). 1988 жылдың маусымынан - КСРО Мемлекеттік банкі Талдықорған облыстық инкассация басқармасының бастығы. 1988 жылдың желтоқсанынан - Талдықорған облысы Агроөнеркәсіп банкі Қарабұлақ бөлімшесінің басқарушысы. 1995 жылдан - ҚР Ұлттық банкі Талдықорған облыстық басқармасының банктік бақылау бөлімінің бастығы, 1996 жылдан - экономикалық талдау, статистика және несиелі операциялар бөлімінің бастығы. 1997 жылдың қазанынан -Мемлекеттік зейнетақы телеу орталығының Алматы облыстық бөлімшесі директорының орынбасары. 1998 жылдан - «Мұнайгаз-Дем» мемлекеттік емес жинақтаушы зейнетақы қоры Алматы қалалық бөлімшесінің директоры. 1999 жылдың қаңтарынан - «Босфор» БК» ЖШС атқарушы директоры (Алматы қаласы). 1999 жылдың тамызынан - ҚР Ұлттық банкі ішкі аудит департаментінің Ұлттық банк бөлімшелері мен ұйымдарының аудиті басқармасының бас экономисі. 1999 жылдың желтоқсанынан - ҚР Ұлттық банкі ішкі аудит департаментінің Ұлттық банк бөлімшелері мен ұйымдарының аудиті басқармасы бастығының орынбасары. 2002 жылдың маусымынан - ҚР Ұлттық банкі ішкі аудит департаментінің Ұлттық банк бөлімшелері мен ұйымдарының аудиті басқармасының бастығы.
2005 жылдың қазанынан бері - ҚР Ұлттық банкі Маңғыстау бөлімшесінің директоры.
«Қазақстан Республикасы Ұлттық банкінің Еңбек сіңірген қызметкері» белгісімен (2009), Маңғыстау облысы әкімінің Құрмет грамотасымен (2006) марапатталған.
Әскери атағы - старшина.
Діни көзқарасы - ислам.
Саяси қайраткер ретіндегі идеалы - Д.А. Қонаев.
Қазақстанның болашағы туралы болжамы - «Қазақстанның ұланғайыр мекен аумағы және оның бай қойнаулары, адамдардың іскерлік белсенділігінің артуы, жастардың ілім-білімге құштарлана ұмтылуы біздің дәулетті де өркенді ел болуымыздың барлық алғышарттарын қалайды».
Хоббиі - стол үсті теннисі, таза ауада серуендеу, нумизматика.
Сүйіп оқитын әдебиеті - детективтер, тарихи романдар.
Үйленген. Жұбайы - Барлыбаева Күлпаш Жұмағұлқызы, лор-дәрігер. Ұлы - Барлыбаев Нұрлан (1988 жылы туған), ҚМЭБИ студенті; қызы - Барлыбаева Нұргүл (1990 жылы туған), ҚМЭБИ студенті.[1]
Дереккөздер[өңдеу | қайнарын өңдеу]
- ↑ Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2
Бұл мақаланы Уикипедия сапа талаптарына лайықты болуы үшін уикилендіру қажет. |