Марат Сақанұлы Қапсалықов

Марат Сақанұлы Қапсалықов 1949 жылы 7 қазанда Семей облысы Үржар ауданы Ново-Троицк ауылында туған. Қазақ. Әкесі - Қапсалықов Сақан Ақатұлы, марқұм, жұмыскер болған. Анасы - Қапсалықова Сақай Есіркенқызы, марқұм, жұмыскер болған. Қазақ мемлекеттік дене шынықтыру институтын бітірген (1977), дене тәрбиесі және спорт оқытушысы. Орыс және қазақ тілдерін біледі. «Нұр Отан» ХДП мүшесі (2009 жылдан бері).

• 1972 жылдан - Үржар БЖСМ волейболдан жаттықтырушысы.
• 1973 жылдан - М. Горький атындағы орта мектептің дене тәрбиесі мұғалімі.
• 1976 жылдан - Абай атындағы орта мектептің дене тәрбиесі мұғалімі.
• 1977 жылдан - Семей облыстық БЖСМ футболдан жаттықтырушысы.
• 1984 жылдан - Семей облыстық БЖСМ оқу-тәрбие ісі жөніндегі директордың орынбасары.
• 2001 жылдан бері - ШҚО Үржар ОРМБЖМ директоры. Самбодан жасөспірімдер арасындағы әлөм чемпионы Әлдиев Думанды; жастар арасындағы 2 мәрте әлем чемпионы, грек-рим күресінен Азия ойындарының чемпионы Иманбаев Әсетті; студенттер арасындағы әлем чемпионы, И. Поддубный атындағы Гран-при турнирінің жеңімпазы Кебіспаев Алматты; И. Поддубный атындағы Гран-при турнирініңжеңімпазы Қоңыратов Ерболды; шаңғы жарысынан Азия ойындарының 5 мәрте чемпионы Яцкая Оксананы тәрбиелеген. ҚР Еңбек сіңірген жаттықтырушысы (2005). ҚР Құрметті спорт қайраткөрі (2007). ҚР Күрес федерациясының медалімен және алғыс хатымен (2007); ҚР білім беру саласындағы мінсіз шығармашылық еңбегі үшін ҚР Білім беру министрлігінің Құрмет грамотасымен (1995); ҚР Футбол федерациясының Құрмет белгісімен (2003); «ҚР дене шынықтыру және спортын дамытудағы еңбегі үшін» белгісімен (2010) марапатталған.

Діни көзқарасы - дінге сенуші.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Гүлденген, дамыған, көпқырлы, білімді ел».
Хоббиі - балық аулау.
Сүйіп оқитын әдебиеті - тарихи әдебиет.

Үйленген. Жұбайы - Нүкебаева Жаңылғайша Нүкебайқызы (1950 жылы туған), зейнеткер. Қыздары - Қапсалықова Аида Маратқызы (1974 жылы туған), экономист.