Марат Қалмұратұлы Сабырбаев

Марат Қалмұратұлы Сабырбаев 1953 жылы 12 қыркүйекте Қарақалпақ АКСР Ходжейли қаласында туған. Қазақ. Әкесі - Сабырбаев Қалмұрат, марқұм, судья болып жұмыс істеген. Анасы - Қыдырбаева Айзада, зейнеткер. С.М. Киров атындағы Қазақ мемлекеттік университетінің заң факультетін бітірген (1981), мамандығы - «Құқықтану». Заң ғылымдарының кандидаты (2002). Кандидаттық диссертациясының тақырыбы: «Қылмыстық істерді уақытша тоқтату». «Қылмыстық іс бойынша өндірісті уақытша тоқтату» (Астана, 2005) монографиясының авторы. Қазақ және орыс тілдерін біледі. 1971 жылдан - Кеңес Әскерінің қатарында қызметте. 1974 жылдан - Маңғышлақ облысы Бейнеу ауылындағы ЖМК-1202 слесарі. 1976 жылдан - С.М. Киров атындағы Қазақ мемлекеттік университетінің студенті. 1983 жылдан Маңғышлақ облысы Мұнайлы аудандық сотының судьясы. 1985 жылдан -төрағасы, 1987 жылдан -төраға міндеттері жүктелген. 1988 жылдан - Шевченко қылмыс сотының судьясы. 1989 жылдан - Гурьев қалалық сотының төрағасы. 1992 жылдан - Атырау қалалық сотының төреаға міндеттері жүктелген судьясы. 1996 жылдан - Ақтау қалалық сотының төрағасы. 2002 жылдан - Алматы қаласы Түркісіб аудандық сотының төрағасы. 2007 жылдан - Алматы қалалық сотының қылмыстық істер жөніндегі алқасының төрағасы. 2009 жылдың наурыз айынан бері - Қызылорда облысының сотының төрағасы. «Құрмет» орденімен (2008), «Қазақстан Конституцияның 10 жыл» мерейтой медалімен марапатталған.