Марат Үсенұлы Пірінбеков

Марат Үсенұлы Пірінбеков 1968 жылы 21 маусымда Талдықорған облысы Ескелді ауданының Қарабұлақ кентінде туған. Қазақ. Әкесі - Пірінбеков Үсен Ақбердіұлы, зейнеткер, Алматы облысы Ескелді ауданы ауыл шаруашылығы басқармасының бастығы болған. Анасы - Пірінбекова Дания Рақымбайқызы, зейнеткер, профессор, «Жетісу» экономикалық институтының ректоры болған. Алматы халық шаруашылығы институтының экономика- жоспарлау факультетін (1991) «Ауыл шаруашылығын жоспарлау» мамандығы бойынша; Қазақ мемлекеттік экономикалық университетінің аспирантурасын (1993); Қырғыз мемлекеттік ұлттық унивөрситетінің заң факультетін (1998) заңгер мамандығы бойынша; Қазақ бас сәулет-құрылыс академиясының (2010) «құрылыс» факультетін инженер- құрылысшы мамандығы бойынша бітірген. Экономика ғылымдарының кандидаты (1996). Қазақ, орыс және ағылшын тілдерін білөді. «Нұр Отан» ХДП мүшесі. 1985-1991 жылдары - Алматы халық шаруашылығы институтының студенті. 1986-1988 жылдары - Кеңес Әскерінің қатарында қызметте. 1991-1993 жылдары - Қазақ мемлекеттік экономикалық университетінің аспиранты. 1992 жылдан - Алматы қаласы. Алатау ауданы №170 дүкенінің 3-ші санатты сатушысы, меңгерушісі, 1993 жылдан- Көтерме-бөлшек саудалық жеміс-көкөніс бірлестігі директорының орынбасары. 1994 жылдан - Алматы қаласы Совет аудандық әкімшілігінің сауда бөлімінің меңгерушісі. 1997 жылдан - Алматы қаласы Алмалы ауданы әкімінің орынбасары. 2008 жылдың сәуірінен - Алматы қаласы Алмалы ауданының әкімі. «Ерен еңбегі үшін», «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған. Әскери атағы - запастағы лейтенант. Саяси қайраткер ретіндегі идеалы - Төле би, Д.А. Қонаев, Н.Ә. Назарбаев. Қазақстанның болашағы туралы болжамы - «Жақсы дәстүрі бар және биікте болуға ұмтылатын мықты ел». Хоббиі - отбасы, спорт. Сүйіп оқитын әдебиеті - Д. Кью, Г. Нив, тарихи шығармалар. Үйленген. Жұбайы - Пірінбекова Венера Қасымқызы (1971 жылы туған), кәсіпкер, медиатор. Ұлы - Пірінбеков Дәулет (1991 жылы туған); қыздары - Пірінбекова Әйгерім (1997 жылы туған), Пірінбекова Әдел (2002 жылы туған).