Маринд-Аним

Уикипедия — ашық энциклопедиясынан алынған мәлімет
Навигацияға өту Іздеуге өту
тугери, кая-кая
Маринд-Аним
Бүкіл халықтың саны

15 000

Ең көп таралған аймақтар

Индонезия Индонезия

Тілдері

маринд тілі

Діні

католицизм, тотемизм

Маринд-Аним (тугери, кая-кая)[1]Индонезияда тұратын папуас халқы. Қоныстанудың негізгі ауданы - Ириан-Джая провинциясы, Арафур теңізінің жағалауы.[2] Жалпы саны 15 мың адам.[3]

Тілі[өңдеу | қайнарын өңдеу]

Тілі - маринд тілі. 4 диалектісі бар.[4]

Діні[өңдеу | қайнарын өңдеу]

Дінге сенушілердің діни байланысы: католиктер.[5] Ата-бабалар культі, тотемизм, магия кең тараған.[6]

Кәсібі[өңдеу | қайнарын өңдеу]

Негізгі кәсібі: тропикалық ауыл шаруашылығы (кокос пальмасы, банан, қант қамысы, аз дәрежеде ямс, таро), саго жинау, копра жинау, шошқа мен ит өсіру, балық аулау, аңшылық (жабайы қабан, қолтырауын, кенгуру, казуарлар) . Дәстүрлі қаруларға найза, тас ұшы бар шоқпар, ағаш қылыш, жабайы шошқаларды ұстауға арналған ротан тұзақ, бамбук пышақ жатады. Қолөнері – тоқу, ағаш ою, тапа жасау.[7]

Өмір салты[өңдеу | қайнарын өңдеу]

Ауылды жасы үлкен, тәжірибелі ер адамдар басқарады. Жасырын ерлер одақтары (майо, сосом, имо, рапа) болды. 20-ғасырдың ортасына дейін бас аулау қолданылды.

Жағалау аймағындағы елді мекендердің орналасуы түзу сызықты болса, ішкі бөлігінде шоғырланып орналасқан. Елді мекендер бірнеше ұзын тұрғын үйлерден (сава), ерлер үйінен (отив), жүкті және ауру әйелдерге арналған жұпыны үйден, ауылдан алысырақ жерде орналасқан жігіттерге арналған үйлерден (готад) тұрады. Үйлері жер үсті, қаңқалы-бағаналы, төртбұрышты болып келеді. Қабырғалары жарылған бамбук немесе тамырлы саго пальма жапырақтарымен қапталған, шатырлары кокос пальмасы жапырақтарымен жабылған.

Ерлердің дәстүрлі киімі - фаллокрипт (кокос жаңғағының қабығынан), әйелдер - алжапқыш пен аяқтың арасына өткізіліп, белдікке бекітілген қара түсті тапаның бір бөлігі. Олар кокос талшықтарынан жасалған жалған өрімдер мен зергерлік бұйымдарды тағады.[7]

Дереккөздер[өңдеу | қайнарын өңдеу]

  1. Народы и религии мира http://www.cyclopedia.ru/89/204/2665719.html Мұрағатталған 30 қыркүйектің 2022 жылы.
  2. Значение слова маринд-аним https://xn--b1algemdcsb.xn--p1ai/wd/%D0%BC%D0%B0%D1%80%D0%B8%D0%BD%D0%B4-%D0%B0%D0%BD%D0%B8%D0%BC
  3. Современная энциклопедия Маринд-аним https://my-dict.ru/dic/sovremennaya-enciklopediya/202923-marind-anim/
  4. Значение слова МАРИНД-АНИМ в Современном энциклопедическом словаре https://slovar.cc/enc/sovremenniy/1841810.html
  5. МАРИНД-АНИМ https://dic.academic.ru/dic.nsf/enc1p/28706
  6. Религия маринд-аним https://studexpo.net/299800/kulturologiya/religiya_marind_anim
  7. a b народы мира / Маринд-аним http://www.etnolog.ru/people.php?id=MRNA