Мариям

Уикипедия — ашық энциклопедиясынан алынған мәлімет
Jump to navigation Jump to search

Мариям - Исраил әулетінен шыққан Гимран деген ғұлама адамның қызы (Гимран екеу, біреуі Мұсаның әкесі). Оның әйелі жүкті болғанда іштегі баласын ғибадатханаға арнаған. Сол уәде бойынша туа сала ғибадатханаға тапсырған. Содан Закария Пайғамбардың тәрбиесіне өткен. Зәкәрия баланың алдынан ылғи жақсы тағам көретіні, Мариям оны «Аллаһ жіберді» дейтіні Зәкәрияға байланысты түсіндірмеде айтылған. Аллаһ берген ризыққа кенеліп, ғибадатханада ілтипатты, ақылды, тақуа болып өскен Мариям пәк, таза бой жетеді. Балиғатқа толған шақта, Хақ Тағаланың хүкімімен, Мариямның алдында Жәбірейіл періште тап бола қалады. Қыз оны адам екен деп, сасып қалады. «Тақуа болсаң да маған жақындама. Ондай күнәдан сақта деп, Тәңіріне сыйынамын», - дейді. «Мен Аллаһтың Елшісімін. Саған бір пәк перзент берілетінін айтып, қуантқалы келдім», - дейді періште. Хазіреті Мариям аң-таң болады. «Аллаһтың өміріне қайран қалма, ол бәрін де жарата алады», - дейді Жебірейіл. Сонымен Мариям жүкті болып, Жаратқанның жебеуімен Иса Пайғамбарды туады. Хазіреті Мариям есімі Құранда 34 жерде айтылады.[1]

Дереккөздер[өңдеу]

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1