Марокко коммунистік партиясы

Уикипедия — ашық энциклопедиясынан алынған мәлімет
Навигацияға өту Іздеуге өту

Марокко коммунистік партиясы (МКП) 1920 жылдан Мароккада өмір сүрген жекелеген коммунистік топтардың негізінде 1943 жылы қарашада құрылды. Марокко коммунистік партиясының 1-съезі (1946, сәуір) Марокко халқына үндеу тастап, елдің тәуелсіздігі мен демократиялық бостандық жолындағы күресте күш біріктіруге шақырды. «Марокконың бірлестігі мен тәуелсіздігі үшін» атты манифесте (1946 жылы тамызда) Марокко коммунистік партиясы бір тұтас ұлттық майдан құру қажеттігін атап көрсетті. 1953-56 жылы француз отаршылдарына қарсы қарулы күреске коммунистер белсене қатысты. Марокко тәуелсіз мемлекет болып жарияланғаннан кейін (1956), Марокко коммунистік партиясы ұлттық тәуелсіздікті нығайтуды, Мароккодан шетелдік әскерлерді шығаруды, шетелдік әскери базаларды жоюды, банкілерді, кен компанияларын национализациялауды, аграрлық реформалар жүргізуді жақтады. Марокко коммунистік партиясына әлденеше рет тыйым салынып (1952, 1959,1960) , жетекешілері қуғынға түсті. 1958 жылы шілдеде Марокко коммунистері Азаттық және социализм партиясын (АСП) құрғандығын жариялады.

Дереккөздер[өңдеу | қайнарын өңдеу]

Қазақ совет энцеклопедиясы