Марти (фильм)

	Марти
	ағылш. Marty
	; Фильм постері
Жанры	мелодрама
Режиссёрі	Делберт Манн
Продюсері	Гарольд Хехт
Сценарийдің авторы	Пэдди Чаефски
Басты рөлдерде	Эрнест Боргнайн; Эстер Минчотти
Операторы	Джозеф Лашелл
Композиторы	Рой Уэбб
Кинокомпания	Hecht-Lancaster Productions; Steven Productions
Дистрибьютор	United Artists
Ұзақтығы	90 мин.
Бюджеті	353 000 $
Кассалық түсімі	3 млн $
Мемлекет	АҚШ
Тілі	ағылшын
Шыққан жылы	1955
IMDb	ID 0048356
	Ортаққордағы Марти

«Марти» (ағылш. Marty) (1955) — 1955 жылы жарыққа шыққан америкалық романтикалық драма. Бұл туынды режиссер Делберт Маннның кинодағы дебюттік жұмысы болып табылады. Фильм сценарийі Пэдди Чаефскидің 1953 жылы телеэкранға шыққан аттас пьесасының желісімен жазылған. Басты рөлдерді Эрнест Боргнайн мен Эстер Минчотти сомдады.

Фильм кинематография тарихындағы айтулы табыстардың бірі ретінде «Оскар» сыйлығының «Үздік фильм» номинациясы мен Канн кинофестивалінің «Алтын пальма бұтағын» қатар иеленді. Қазіргі таңда бұл екі беделді марапатты қатар еншілеген санаулы фильмдердің қатарына «Мартиден» бөлек, тек Жоғалған демалыс (1945), Паразиттер (2019) және Анора (2024) кинотуындылары ғана кіреді.

Сонымен қатар, 1994 жылы «Марти» фильмі «мәдени, тарихи немесе эстетикалық тұрғыдан маңызды» деп танылып, Конгресс кітапханасының АҚШ фильмдерінің ұлттық тізіліміне сақтауға таңдап алынды.^[1]

«Марти» фильмінің айрықша табысы аз бюджетті, өмірге жақын әрі қарапайым шындықты баяндайтын кино бағытының дамуына жол ашты.

Сюжеті

Фильм Нью-Йорктің Бронкс ауданында тұратын, жасы отыздан асқан италиялық-америкалық қасапшы Марти Пилеттидің өмірін баяндайды. Марти — өте мейірімді, бірақ өзіне сенімсіз және жалғызбасты адам. Анасы, туыстары мен достары оны үнемі үйленуге үгіттеп, «қашан үйленесің?» деген сұрақпен мазасын алады. Өзінің сырт келбетін ұнатпайтын Марти бұл сұрақтардан шаршап, махаббат табудан үмітін үзе бастайды.

Бір сенбі күні кешкісін Марти достарының айтуымен «Стардаст» би алаңына барады. Онда ол Клара есімді қарапайым мектеп мұғалімімен танысады. Клара да Марти сияқты жалғызсырап жүрген, серігі тастап кеткен жан еді. Екеуі кеш бойы әңгімелесіп, бір-бірінің ішкі дүниесін, ортақ мүдделерін түсінеді.

Алайда, Мартидің айналасындағылар бұл таныстыққа қарсы шығады. Анасы жалғыз қалудан қорқып, Клараны ұнатпайтынын білдірсе, достары оның сырт келбетін келеке етеді. Марти қоршаған ортасының пікірі мен өз бақытының арасында таңдау жасауы керек болады. Соңында ол өз сезіміне сеніп, Клараға хабарласуға бел буады.

Рөлдерде

Актёр	Рөлі
Эрнест Боргнайн	Марти Пилетти Марти Пилетти
Эстер Минчотти	Пилетти ханым Пилетти ханым
Бетси Блэр	Клара Клара
Аугуста Чиолли	Катарина тәте Катарина тәте
Джо Мантелл	Энджи Энджи
Карен Стил	Вирджиния Вирджиния
Джерри Пэррис	Томми Томми

Марапаттары мен номинациялары

Марапат	Санат	Номинант	Нәтиже	Дереккөз
Оскар	Үздік фильм	Гарольд Хехт	Жеңді	^[2] ^[3]
	Үздік режиссер	Делберт Манн	Жеңді
	Үздік актер	Эрнест Боргнайн	Жеңді
	Үздік көмекші актер	Джо Мантелл	Номинация
	Үздік көмекші актриса	Бетси Блэр	Номинация
	Үздік бейімделген сценарий	Пэдди Чаефски	Жеңді
	Үздік қоюшы суретші жұмысы (ақ-қара фильм)	Тед Хауорт, Уолтер М. Симондс, Роберт Пристли	Номинация
	Үздік операторлық жұмыс (ақ-қара фильм)	Джозеф Лашелл	Номинация
Бодиль	Үздік америкалық фильм	Делберт Манн	Жеңді	^[4]
BAFTA	Үздік фильм	«Марти»	Номинация	^[5]
	Үздік шетелдік актер	Эрнест Боргнайн	Жеңді
	Үздік шетелдік актриса	Бетси Блэр	Жеңді
Канн кинофестивалі	Алтын пальма бұтағы	Делберт Манн	Жеңді	^[6]
Канн кинофестивалі	OCIC сыйлығы		Жеңді	^[6]
АҚШ режиссерлер гильдиясының сыйлығы	Көркем фильмдегі үздік режиссура		Жеңді	^[7]
Алтын глобус	Үздік актер — драма	Эрнест Боргнайн	Жеңді	^[8]
Карловы Вары халықаралық кинофестивалі	Үздік фильм	Делберт Манн	Номинация
Ұлттық киносыншылар кеңесі	Топ-10 фильм	«Марти»	Жеңді	^[9]
	Үздік фильм	«Марти»	Жеңді
	Үздік актер	Эрнест Боргнайн	Жеңді
АҚШ сценарийшілер гильдиясының сыйлығы	Үздік америкалық драмалық сценарий	Пэдди Чаефски	Жеңді	^[10]

Дереккөздер

↑ 25 Films Added to National Registry (15 November 1994).
↑ The 28th Academy Awards (1956) Nominees and Winners. Academy of Motion Picture Arts and Sciences.
↑ Marty (February 12, 2012).
↑ The Bodil Prize 1956. Bodil Awards.
↑ BAFTA Awards: Film in 1956. British Academy Film Awards.
↑ Marty. Cannes Film Festival.
↑ 8th Annual DGA Awards. Directors Guild of America Awards.
↑ Marty. Golden Globe Awards.
↑ 1955 Award Winners. National Board of Review.
↑ Awards Winners. Writers Guild of America Awards.

Сыртқы сілтемелер

Марти (фильм) (ағыл.) Internet Movie Database сайтында

[1] 25 Films Added to National Registry (15 November 1994).

[2] The 28th Academy Awards (1956) Nominees and Winners. Academy of Motion Picture Arts and Sciences.

[NY_Times-3] Marty (February 12, 2012).

[4] The Bodil Prize 1956. Bodil Awards.

[5] BAFTA Awards: Film in 1956. British Academy Film Awards.

[festival-cannes.com-6] Marty. Cannes Film Festival.

[7] 8th Annual DGA Awards. Directors Guild of America Awards.

[8] Marty. Golden Globe Awards.

[9] 1955 Award Winners. National Board of Review.

[10] Awards Winners. Writers Guild of America Awards.

[1]

[2]

[3]

[4]

[5]

[6]

[7]

[8]

[9]

[10]