Мархабат Байғұт

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Мархабат Байғұт
Туған күні

25 мамыр 1945(1945-05-25) (72 жас)

Туған жері

Оңтүстік Қазақстан облысы, Түлкібас ауданы

Азаматтығы

 Кеңестік Социалистік Республикалар Одағы
 Қазақ КСР
 Қазақстан

Ұлты

Қазақ

Мансабы

жазушы, журналист, аудармашы

Шығармалардың тілі

қазақ тілі

Марапаттары
OrdenParasat.png
Құрмет ордені
Қазақстанның еңбек сіңірген қайраткері
Сыйлықтары

"Алаш" Халықаралық әдеби сыйлығының лауреаты (1996)

Мархабат Байғұт (25 мамыр, 1945 жылы Оңтүстік Қазақстан облысы, Түлкібас ауданы, Пістелі ауылында туған) — жазушы, журналист, аудармашы. Қазақстанның еңбек сіңірген қайраткері (2004). «Алаш» Халықаралық сыйлығының лауреаты (1996). Оңтүстік Қазақстан облысының Құрметті азаматы (2007). Қазақстанның Құрметті журналисті (2009).

Толығырақ[өңдеу]

ҚазМУ-дың филология факультетін бітірген.

  • Әскери борышын өтеген соң Түлкібас ауданының «Шамшырақ» газетінде, облыстық «Оңтүстік Қазақстан» газетінде көп жылдар бойы әдеби қызметкер, мәдениет, әдебиет және өнер бөлімінің меңгерушісі болды, облыстық партия комитетінде жауапты қызметтер атқарды.
  • 19852001 жылдары Қазақстан Жазушылар одағының облыстық бөлімшесінің жетекшісі, облыс әкімшілігі аппаратында ішкі саясат бөлімінің меңгерушісі, облыстың тіл басқармасының бастығы (199397). Ақпарат және қоғамдық келісім министрлігінің, облыстық басқармасы бастығының орынбасары қызметтерін атқарды.
  • 2001 жылдан басқарма бастығы. «Шілде», «Сырбұлақ», «Интернаттың баласы», «Нәуірзек», «Қорғансыз жүрек», «Дауыстың түсі», «Машаттағы махаббат», «Серт пен сенім», «Ақпандағы мысықтар», тағы басқа кітаптары жарық көрді. Шығармалары орыс, украин, өзбек, түрік, қарақалпақ, саха тілдеріне аударылған. Ол В.Шукшиннің, Ю.Покальчуктің, Ш.Айтматовтың шығармаларын, У.Ирвингтің Мұхаммед пайғамбар туралы кітабын аударған.
  • Республикалық «Жалын» баспасы белгілеген сыйлықтың екі дүркін, «Қазақ әдебиеті» газеті сыйлығының үш дүркін иегері.

Мемлекеттік марапаттары[өңдеу]

Діни көзқарасы[өңдеу]

Діни көзқарасы - мұсылман. Қазақстанның болашағы туралы болжамы - «Өркендеу».

Хоббиі[өңдеу]

Хоббиі - оқу, табиғат.

Сүйіп оқитын әдебиеті[өңдеу]

Сүйіп оқитын әдебиеті – повестер, әңгімелер.

Үй жағдайы[өңдеу]

Үйленген. Жұбайы - Байғұтова Қыздаркүл (1949 жылы туған), зейнеткер. Қызы - Ақлима (1969 жылы туған); ұлдары - Нұрлан (1974 жылы туған), Дулат (1977 жылы туған).[1]

Дереккөздер[өңдеу]

  1. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2