Марғылан
| Қала | |
| Марғылан | |
| өзб. Marg‘ilon/Марғилон | |
 | |
| Әкімшілігі | |
|---|---|
| Ел | |
| Облыс | |
| Хәкімі |
Рустамов Элбек Рустамович |
| Тарихы мен географиясы | |
| Координаттары |
40°28′00″ с. е. 71°43′00″ ш. б. / 40.46667° с. е. 71.71667° ш. б. (G) (O) (Я)Координаттар: 40°28′00″ с. е. 71°43′00″ ш. б. / 40.46667° с. е. 71.71667° ш. б. (G) (O) (Я) |
| Алғашқы дерек | |
| Жер аумағы |
40,83 км² |
| Орталығының биiктігі |
487 м |
| Уақыт белдеуі | |
| Тұрғындары | |
| Тұрғыны |
246 700 адам (2023) |
| Сандық идентификаторлары | |
| Телефон коды |
+998 73 |
| Пошта индексі |
151100 |
| Автомобиль коды |
40 |
Марғылан шекарасы
| |
 Ортаққордағы санаты: Марғылан | |
Марғылан (өзб. Marg‘ilon/Марғилон) — Өзбекстанның Ферғана облысындағы қала. Марғұлан облыстағы үш ірі қаланың бірінен саналады. Қалада 30-дан астам ұлт өкілдері тұрады.
Географиялық орны
[өңдеу | дереккөзін өңдеу]Қала Ферғана жазығының оңтүстік-шығысында Алай жотасы тау сілемдерінің бөктерінде, Ферғана қаласының солтүстік-батысынан 9 км қашықтықта. Оның аумағында Әндіжан-Қоқан желісіндегі теміржол стансасы орналасқан.
Ең жақын қалалар және оларға дейінгі қашықтық
[өңдеу | дереккөзін өңдеу]Марғылан — үлкен қала. Ол өз елінде (Өзбекстан) халық саны бойынша 10-шы орында және өз аймағында (Ферғана облысы) 3-ші орында. Оның әлемдік рейтингі шамамен 2780-ші орында.
Ең жақын қалалар және оларға дейінгі қашықтық: Ташлақ (5 км), Ферғана (13 км), Тыныштық (14 км), Жазжауан (20 км), Қуасай (27 км), Боз (28 км), Қуа (29 км), Қадамжай (38 км, Қырғызстан), Шаһрихан (38 км), Риштан (40 км), Қызылқия (42 км, Қырғызстан), Сарытас (43 км, Қырғызстан), Бағдат (43 км), Палванташ (44 км), Асака (46 км), Балықшы (47 км), Жамашой (47 км), Тасбұлақ (50 км), Ибрат (50 км).[1]
Тарихы
[өңдеу | дереккөзін өңдеу]Ферғана жазығындағы ежелгі қалалардың бірі. Бұған республиканың Археология институты жүргізген археологиялық зерттеулері дәлел. Суармалы егіншілік біздің дәуірімізге дейінгі 4-3 ғасырларда болғаны дәлелденген. Қала атауы 8-ғасырдағы тарихи деректерде ұшырасады. 1710 жылдан 1876 жылға дейін қала Қоқан хандығының құрамында болып, бектіктің орталығы болған.
1875 жылы Ресей империясының құрамына кіріп, Ферғана облысындағы Марғылан ауданының орталығына айналды. Кеңес билігі тұсында қалада жібек өндіру комбинаты, көркем-тігін фабрикасы, ағаш өңдеу, сүт зауыттары салынған. 2007 жылы қаланың 2000-жылдығы салтанатты түрде атап өтілді.
Экономикасы және инфрақұрылымы
[өңдеу | дереккөзін өңдеу]Жібек мата өндірісі — дәстүрлі сала. Қазіргі қалада сұранысқа ие тауарларды шығаратын кәдесый фабрикалары табысты жұмыс істейді. Шеберлер өз бұйымдарын жасайды. Қала экономикасы ең алдымен ірі нарықтарға негізделген. Марғыланда екі үлкен базар бар: көтерме киім базары және азық-түлік базары. Қала тұрғындарының негізгі кәсібі – мемлекеттік жұмыс, сауда, қолөнер. Кейбір тұрғындардың жеке бизнесі бар, оның ішінде шағын және орта компаниялар мен фирмалар бар.
Қалада Түркиямен бірлескен кәсіпорын тоқыма бұйымдарын шығарады. Трактор жөндеу зауыттары, наубайхана, ағаш өңдеу цехтары, банк бөлімшелері де жұмыс істейді. Көлік тасымалдаушы компаниялардың көпшілігі жекеменшік. Қала жолдарының тар болуына байланысты тұрғындардың көбі велосипедпен жүріп-тұрады.
Қаланың мәдени-ағарту мекемелеріне отыздан астам орта мектеп, оның ішінде шет тілін тереңдетіп оқытатын мамандандырылған мектептер мен медициналық, банк, құрылыс, политехникалық колледждер кіреді. Дарынды балалар үшін арнайы мектептер ашылды. Сондай-ақ музыка және спорт мектептері, жас техниктер мектебі бар.[2]
Дереккөздер
[өңдеу | дереккөзін өңдеу]- ↑ Марғылан. Тексерілді, 30 қыркүйек 2025.
- ↑ Өзбекстан. Ферғана облысы. Тексерілді, 30 қыркүйек 2025.
| ||||||
