Масаси Кисимото

Уикипедия — ашық энциклопедиясынан алынған мәлімет
Jump to navigation Jump to search

Масаси Кисимото - жапондык бүкіл әлемге танымал мангака. Ол «Наруто» мангасының авторы.

8 қараша 1974 жылы Масаси егіз ағасымен бірге Окаяма қаласында дүниеге келді. Ескі жапондық дәстүр бойынша, Масаси және Сейшиға 1 жас толғанда, балалардың алдына 3 нәрсе қойылды. Дәстүр бойынша, таңдалған зат баланың тағдырын шешеді. Сонда балалардың алдына есепшот, ақша және қылқалам қойылыпты. Сейши біраз ойланып, қылқаламды таңдаса, Масаси дереу ақшаға қолын созады. Шынымен, Сейши тез арада сурет салуға құмарлық танытты. Масаси да уақыт өте келе сурет салуды ұнатты.

Балабақша кезінен Масаси мангаларға қызықты, әсіресе сол кездегі танымал «Dragon Ball» қызықтырды. Ол күні бойы «Dragon Ball» мангасындағы кейіпкерлерді бейнелеумен айналысты, алайда, орта мектепте оқу барысында бейнелеуге қызығушылығы азайды. Сол өмірлік кезеңінде Масаси спортпен белсенді шұғылданды. Ол бейсбол ойынын ұнатты. Оның ойынша, бейнелеумен айналысу үшін ер жетіп кеткен болып көрінді, бірақ бір күні «Akira» деген ғылыми фантастикалық жанрдағы манганың постерін көреді. Масаси плакатқа бір сағат мұқият қарап тұрады. Оның айтуынша, суреттің ракурсы ерекше болды және «Қалай біреу осындай ракурста сурет сала алады? Алғаш рет осындай бейне көріп тұрмын, бәрі сондай шынайы көрінеді» деген ой келеді. Сол сәттен Масаси осындай нәтижеге қол жеткізуге талпына бастады. Масаси бүкіл «Akira» арт-кітапшаларын сатып алып, оларды қайталау кезінде өзінің жеке стилін құруға талпынды. Бүкіл уақытын бейнелуеге бөлген Масаси мектеп сыныбында 39 оқушының ішінде үлгерімі бойынша 38-ші болды. Сонымен қатар, манга салуда ешқандай жетістік болмады. Оның сол уақытта жолы болмаса да, ол кері шегінбеді. Өзі жеңіл ойлы болғандықтан, барлығы өздігінен шешіледі деп ойлады.

Жоғары мектепті бітірген соң Масаси бейнелеу университетіне түсіп, бірінші күннен бастап мангасымен белсенді жұмыс істейді. Сол жұмысы үшін ол жүлде алып, оның кішігірім «Karakuri» жұмысы жарияланады. Сол кезден бастап ұзақ уақыт бойы оның мангалары жарияланбаған, себебі баспа үйінің пікірінше, оның жұмыстары қызықсыз деп қарастырылды. Оған қарамастан, Масаси бәрібір күнде еңбектенді. Университетті бітірген соң оның достары жұмысқа тұрды, ал Масасидің жалғыз мақсаты - атақты мангака атану болды. Ешқандай қиындыққа қарамастан, қыңыр Масаси өз мақсаты үшін еңбек етті. Оған үнемі ата-анасының жұмыс табу керектігі туралы нұсқауларын тыңдауға тура келді. Апта сайын басылатын "Shonen Jump" журналына тек талантты жұмыстар түсетін, ал Масаси жай сурет салуды жақсы көретін жігіт болғандықтан ол көп өз-өзіне сенбеген. Ол мынандай пікірде болатын: «Әрине, мен көп күмәндандым, бірақ мен қазір шегінуге жол берсен, ешқашан мангака болмаймын». Сол кезде ол сурет салуды уақытша тоқтатып, кітапханада қалай сценарий жазу керектігі жайлы кітаптар оқыды. Ол 2 жыл бойы уақытын сол кітапханада өткізді. Масаси түрлі сценарийлық техникаларды жақсы меңгерді. Сол кездері ол өзінің сурет салғаннан сценарий жазудағы дарыны көбірек екенін байқады. Ол баспа үйіне өзінің жаңа мангасын көрсетті. Баспаханаға оның жұмысы ұнады, алайда қабылданбады, себебі, кең оқырмандар ауқымы үшін өте күрделі болып табылды. 4 ай өте келе Масаси «Shonen Jump» редакторларына жаңа жұмысын әкеліп, ол қабылданады. Сол кезден бері «Наруто» мангасы бүкіл әлемдегі адамдардын жүрегін жаулап алды. Ол нағыз мультимәдени феномен болды. Масаси керемет сюжет ойлап тапты және «Shonen Jump» рейтингінде 15 жыл бойы алғашқы орындарға ие болды.

Осылайша, Масаси бүкіл әлемге танымал мангака болды. Ол өмірін мақсатына ұмтылатын жас ниндзя туралы мангаға арнады. Наруто мангасы арқылы Масаси өз өмірлік тәжірибесімен бөлісе отырып, әр адамның алға қойған мақсатына шегінбей жету керектігін жеткізген.

Отбасы[өңдеу]

Масасиде әйелі және үш баласы бар. Олар - 2 үлкен ұлы және 2016 жылы сәуір айында туылған үшінші баласы. Сонымен қоса Масасиде сурет салу стилі өзіне өте ұқсас егіз мангака ағасы бар. Ағасы "666 Satan" және "Blazer Drive" мангаларымен танымал.

Жұмыстары[өңдеу]

Жұмыстары Шығарылу жылдары
Karakuri 1996
Naruto 1999-2017
Bench 2010
Mario 2013
Naruto: The Seventh Hokage and the Scarlet Spring 2015

Дереккөздер[өңдеу]

https://www.livelib.ru/author/229688-masasi-kisimoto

http://lifeinjapan.ru/article/show/8710

https://naruto.fandom.com/ru/wiki/Масаси_Кисимото