Масат Ата

Масат ата — қорым. Атырау облысының Үштаған сілемінен оңтүстікке қарай 25 км қашықтықта. Аңыздарға қарағанда бұл қорым Мешхедтен шыққан әулие Масаттың есімімен аталған. Құрылысқа жер бетіне шығып жатқан әк тастар пайдаланылған. Осы жерде есігі оңт-ке қаратылған жартылай жер асты бір бөлмелі мешіт тұрғызылған. Масат Ата қорымында түрікмен және қазақ бейіттері бар. Ескерткіштердің бірінші тобы (14 — 18 ғ-лар) гөрханадан және қойтас тұрпатты көптеген құлпытастан құралған. Ескерткіштер ықшам аумақты сәндік белгілермен, жазу-сызулармен безендірілген. Құлпытастарға таңбалар, әр түрлі бедерлер салынған. Қазақ бейіттері қорымның солт.-шығыс шетіне тұтас орналасқан.