Маттиас Заммер

Маттиас Заммер
Жалпы мағлұмат
Туған күні	5 қыркүйек 1967 (1967-09-05) (56 жас)
Туған жері	Дрезден, ГДР
Азаматтығы	Үлгі:Country data ГДР ГДР → Германия
Бойы	180
Позиция	қорғаушы
Клуб карьерасы 1985—1990 Үлгі:Country data ГДР Динамо (Дрезден) 102 (39) 1990—1992 Штутгарт 63 (20) 1992—1993 Интернационале 11 (4) 1993—1998 Боруссия (Д) 115 (21) Ұлттық құрамы 1986—1990 ГДР 23 (6) 1990—1997 Германия 51 (8) Бапкерлік карьерасы 2000 Боруссия (Дортмунд) асс 2000—2004 Боруссия (Дортмунд) 2004—2005 Штутгарт

Маттиас Заммер (нем. Matthias Sammer; 5 қыркүйек 1967 жыл, Дрезден, ГДР) — германиялық футболшы, жартылай қорғаушы, футбол жаттықтырушысы.

Карьерасы

Клубтық

Карьерасын 1985 жылы туған қаласындағы өзінің әкесі Клаус Заммер жаттықтыратын "Динамо" (Дрезден) клубында бастады. Шабуыл шебінде ойнап, 1985/86 жылғы маусымда сегіз голдың авторы атанды. Келесі маусымда жаттықтырушы ауысты да, Заммер өзіне ыңғайлырақ келетін жартылай қорғаныс шебіне жылжыды. 1988/89 жылғы маусымда ГДР чемпионы атанды.

1990 жылы жазда "Штутгартқа" ауысты. 1990/91 жылғы маусымда 11 голдың авторы атанды.

1992 жылы Германия чемпионы атанған соң, "Интернационалеге" ауысып, 1994 жылы қаңтарда Германияға оралды да, "Боруссия" ойыншысы атанды. 1995, 1996 жылы Заммер Германияның үздік футболшысы атанды.

1998 жылы ауыр жарақатының кесірінен карьерасын ерте аяқтауға мәжбүр болды.

Ұлттық құрама

1987 жылы ГДР құрамасы сапындағы тұңғыш ойынын өткізді.

1990 жылдан бастап біріккен Германия сапында ойнай бастады. 1992, 1996 жылдары Еуропа чемпионатына, 1994 жылы әлем чемпионатына қатысты.

1996 жылы Германия Еуропа чемпионы атанды да, Заммер турнирдің үздік ойыншысы деп танылды. Өкінішке орай бұл оның ғұмырындағы соңғы ірі турнир еді.

Бапкерлік карьерасы

2000 жылы "Боруссия Дортмунд" клубының бапкерлер штабына енді. Ұзамай клубтың бас жаттықтырушысы боп тағайындалды да, 2002 жылы Германия чемпионы атанды, УЕФА Кубогының финалына дейін жетті.

2005 жылы жазда бапкерлік карьерасын аяқтайтынын мәлімдеді.

Жетістіктері

Ойыншы ретінде

«Динамо» (Дрезден)

• ГДР чемпионы (2): 1989, 1990
• ГДР кубогы: 1990

«Интернационале»

• Италия чемпионатының күміс жүлдегері: 1993

«Штутгарт»

• Германия чемпионы: 1992

«Боруссия» Дортмунд

• Германия чемпионы (2): 1995, 1996
• УЕФА чемпиондар лигасы: 1997
• Құрлықаралық кубок: 1997

Германия

• Еуропа чемпионы: 1996

Бапкер ретінде

«Боруссия» Дортмунд

• Германия чемпионы: 2002

Жеке

• Алтын доп иегері (France Football): 1996
• Германияның жыл футболшысы: 1995, 1996
• Еуропа чемпионатының үздік футболшысы: 1996

Сілтемелер

• Дрезденнен шыққан индивидуалист