Матхура

Уикипедия — ашық энциклопедиясынан алынған мәлімет
Jump to navigation Jump to search
Матхурадағы Кришна шіркеуі

Үндістанның Уттар-Прадеш штатында орналасқан қасиетті қала. Қала шамамен Аградан солтүстікке қарай 50 шақырым және Делиден оңтүстікке қарай 150 шақырым жерде орналасқан. Ежелгі заманда Матхура қаласы маңызды керуен жолдарының торабында болып, Үндістан экономикасында ерекше орын алды. Матхура қасиетті қала болып саналады, өйткені аңыз-әңгімелерге қарағанда бұл жерде Кришна құдайы дүниеге келген. Матхураның кез келген жері Кришна жайлы айтылатын аңыздармен байланысты.

Үнді аңыздарында Кришна бала кезін гопи қыздарымен және Радхамен бірге өткізгендігі туралы айтылады. Матхура Сурасена патшалығының астанасы болған. Ол патшалықты Кришнаның нағашы ағасы Камса басқарған. Матхурада алғашқы ғибадатхананы 5000 жыл бұрын Кришнаның шөбересі Ваджранабха патша салдырған деген дерек бар. Кейін ғибадатхананы Чандрагупта Маурия патша қайта салып шыққан.

Бүгінде Матхурадагы басты ғибадатхана - Дваркадиши. Ол 1815 жылы салынған. Қала орталығында орналасқан бұл ғибадатханаға адам көп келеді. Бүгінде бұл жерде Кешава Дев ғибадатханасы бар. Ғибадатханада Радха- Кешаваның мүсіні орын тепкен. Осы мүсіннің сол жағында Джаганнатха құдайының, Баладеваның және Субхадраның мүсіні орналасқан. 1100 жылдар шамасында ғибадатхананы мұсылман билеушісі Махмуд Ғазнауи қиратты.

Дегенмен 1150 жылы ғибадатхана қайта қалпына келтірілді. 1669 жылы Аурангзеб ғибадатхананы бұзып, орнына осы ғибадатхананың материалдарынан мешіт салдырды. Ал қазіргі ғибадатхана 1956 жылы қалпына келтірілген болатын. Бүгінде Матхура қаласы - бүкіл кришнаидтердің мінәжат ететін орны. Матхура көптеген ғасырлардан бері қасиетті мінәжат ету орны болып келеді.[1]

Дереккөздер[өңдеу | қайнарын өңдеу]

  1. Алматы: “Аруна” баспасы. 208 бет. Сер.:“1100 қызықты дерек”.