Махамбет Бейдәліұлы Бейдәлі

Махамбет Бейдәліұлы Бейдәлі
Дүниеге келгені:	1964 шілде Шымкент облысының Кентау қаласы
Мансабы:	«Нұр Отан» ХДП Алматы филиалы төрағасының бірінші орынбасары

Махамбет Бейдәліұлы Бейдәлі 1964 жылы 1 шілдеде Шымкент облысының Кентау қаласында туған. Қазақ.

С.М. Киров атындағы Қазақ мемлекеттік университетінің құқықтану факультетін (1991) заңгер мамандығы бойынша; Аризона университетінің тіл оқыту курстарын (АҚШ, 1995); Қазақ мемлекеттік басқару академиясы жанындағы Нарық институтының қаржы және несие факультөтін (1996) экономист-қаржыгер мамандығы бойынша; Қ.И. Сәтбаев атындағы Қазақ ұлттық техникалық университетінің мұнай және газ кен орындарын игеру факультөтін (2006) инженер мамандығы бойынша бітіргөн.

Экономика ғылымдарының кандидаты (2009). Кандидаттық диссертациясының тақырыбы: «Ірі қала бюджеті: проблемалары, басымдықтары және даму перспективалары (Алматы қаласының үлгісінде)».

«Қала бюджеті және оның әлеуметтік-экономикалық дамуы», «Алматы қаласының мемлекеттік даму бағдарламасын жүзеге асырудағы бюджеттің рөлі», «Мемлекеттік басқару деңгейлері бойынша әлеуметтік экономикалық қажеттіліктерді қаржылық қамтамасыз ету» және т.б. мақалалардың авторы.

Қазақ, орыс және ағылшын тілдерін біледі. «Нұр Отан» ХДП мүшесі (2005 жылдан). 1985 жылдан - Алматы қалалық Жөндеу-құрылыс басқармасының сылақшыояушысы. 1987 жылдан - ҚазКСР прокуратурасы кеңсесінің аға инспекторы (Алматы қ.). 1989 жылдан - Алматы қаласы Октябрь аудандық атқару комитетінің нөгізгі қызмет жөніндегі аға инспекторы. 1991 жылдан - Алматы қалалық әкімшілігінің басшысы орынбасарының көмекшісі. 1992 жылдан - Алматы қаласы Әуезов, Бостандық және Түркісіб аудандары әкімінің орынбасары. 2002 жылдан - «ФИАЛ» мұнай-газ компаниясының бас директоры. 2005 жылдан - Алматы қалалық Әділет департаментінің бастығы. 2006 жылдан - Алматы қаласы Түркісіб ауданының әкімі. 2007 жылдан - Алматы қаласы Медеу ауданының әкімі. 2010 жылдан бері - «Нұр Отан» ХДП Алматы филиалы төрағасының бірінші орынбасары.

«Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен, «Қазақстан Республикасы Мемлекөттік қызмет істері агенттігіне 10 жыл» (2008), «ҚР Білім беру саласының құрметті қызметкері» (2008) төс белгілерімен марапатталған.

Әскери атағы - подполковник. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан - жас ел. Әлемнің үздік тәжірибесін сіңіре отыра, біз өз халқымыздың тарихи және мәдени тамырларынан қол үзбей, тұрақты даму мен өркендеу үшін қолдан келгеннің бәрін жасауымыз қажет. Ал біздің осы жолдағы табысымыз көбіне қоғамның бәсекеге қабілеттілік дәрежесіне тәуелді болады. Бұл жайлы Елбасы Н.Ә. Назарбаев бірнеше рет атап айтқан болатын. Ішкі тұрақтылықтың арқасында бүгінгі Қазақстан - экономикаға салынған шетелдік салымдар көлемі бойынша ТМД және Шығыс Еуропа елдерінің арасындағы көшбасшы. Жақын арадағы онжылдықтың ішіндегі түрақты және теңгерімді даму ұлттық экономиканың жеделдетілген диверсификациясы мен тұрақы дамуының есебінен қамтамасыз етілетін болады. Ел модернизациясы, оның әлемдік жаһандану жағдайындағы бәсекеге қабілеттілігінің қамтамасыз етілуі - алдағы кезеңдегі біздің саясатымыздың басты бағыты, міне, осы».

Хоббиі - футбол, волейбол, бильярд. Сүйіп оқитын әдебиеті - классикалық және тарихи шығармалар.

Үйленген. Жұбайы - Тоқмурзина Рада Берікқызы. Қызы Бейдәлі Алуа; ұлы - Бейдәлі Ролан.