Махмұд Айдарханұлы Сабырхан
Махмұд Айдарханұлы Сабырхан  | |
| Жалпы мағлұмат | |
|---|---|
| Азаматтығы |
|
| Туған күні |
9 қыркүйек 2001 (24 жас) |
| Туған жері | |
| Салмағы |
55 кг |
| Бапкері |
Ілияс Оралбеков |
| Соңғы айқасы |
Әлем чепионаты 2025 |
| Чемпион белдігі |
2023 және 2025 жылғы Әлем чемпионы |
| Кәсіпқой карьерасы | |
| Айқастар саны |
1 |
| Жеңгені |
1 |
| Нокаутпен жеңгені |
1 |
| Қызметтік тізімі (boxrec) | |
| Марапаттар | ||
|---|---|---|
| Бокс | ||
| Әлем чемпионаты 2025 | ||
| Алтын | Ливерпуль | 55 кг |
Махмұд Айдарханұлы Сабырхан (9 қыркүйек 2001 жылы туған, Маятас ауылы, Түркістан облысы, Қазақстан) – қазақстандық кәсіпқой және әуесқой боксшы, Қазақстан Республикасының халықаралық дәрежедегі спорт шебері, Екі дүркін Әлем чемпионы (2023, 2025) және 2021 жылғы әлем чемпионатының күміс жүлдегері. 2024 жылғы Азия чемпионы. Жастар мен жасөспірімдер арасында Азияның үш дүркін чемпионы. 2025 жылғы әлем чемпионы Төрехан Сабырханның туған ағасы.
Өмірбаяны
[өңдеу | дереккөзін өңдеу]Махмұд Сабырхан 2001 жылы Түркістан облысының Маятас ауылында дүниеге келген. Отбасында төрт үл, бір қыз. Махмұд екінші ұл. Әкесі Айдахан Сабырхан жас кезінде күреспен және көкпармен айналысқан, анасы Меңтай Асылова медбике болып қызмет етеді.
Махмұд жеңістерінің артында, өз табандылығымен және шәкірттеріне деген сенімімен мектеп кабинетін чемпиондар ұстаханасына айналдырған дене шынықтыру мұғалімі – Ілияс Оралбеков тұр. Ол өз жолын 2011 жылы жергілікті мектепте бастады. Мектептегі спорт зал да әрдайым бос емес болмады, тек тарих кабинеті ғана бос болғандықтан сол кабинетті тақтасын ауыстырып, кабинеттен бокс үйірмесі ретінде қолданады. Бүкіл ауыл сол секцияға баратын болды.
Білімі
[өңдеу | дереккөзін өңдеу]2025 жылы Әуезов атындағы Оңтүстік Қазақстан университетінде спорт менеджменті мамандығы бойынша магистр атанды[1].
2021 жылғы әлем чемпионаты
[өңдеу | дереккөзін өңдеу]| 31 қазан 2021 |
|
Белград, Сербия (1/16 финал) | |||
| 31 қазан 2021 |
|
Белград, Сербия (1/8 финал) | |||
| 2 қараша 2021 |
|
Белград, Сербия (¼ финал) | |||
| 4 қараша 2021 |
|
Белград, Сербия (Жартылай финал) | |||
| 6 қараша 2021 |
|
Белград, Сербия (Финал) | |||
2023 жылғы әлем чемпионаты
[өңдеу | дереккөзін өңдеу]2023 жылы Ташкентте өткен бокстан әлем чемпионатында Махмұд Сабырхан (54 келі) Өзбекстан боксшысын жеңіп, әлем чемпионы атанды[2].
| 10 мамыр 2023 |
|
Ташкент, Өзбекстан (¼ финал) | |||
| 12 мамыр 2023 |
|
Ташкент, Өзбекстан (Жартылай финал) | |||
| 14 мамыр 2023 |
|
Ташкент, Өзбекстан (Финал) | |||
2025 жылы Нидерландыда өткен Эйндховен кубогының алғашқы кездесуінде украиналық боксшы Максим Зиминнен жеңілді. Бас бапкері Қайрат Сәтжановтың түсіндіруінше Махмұд қарсыласын бағаламай, жекпе-жекке дайындықсыз және «салғырт» шыққан. Сонымен қатар, тактикалық тұрғыдан қателіктер жіберіп, қарсыласының стилімен жұдырықтаса бастаған[3].
2024 жылы Азия чемпионатының жеңімпазы[4].
2025 жылы Астанада өткен Әлем кубогында жеңімпаз атанды[5].
Олимпиада
[өңдеу | дереккөзін өңдеу]Махмұд Сабырхан 2020 жылы да Олимпиадаға бара алар еді. Қазақстанның олимпиада алдындағы чемпионатында ол Сәкен Бибосыновты жеңген еді, бірақ ақырында Токиоға ұлттық құраманың бас бапкері Мырзағали Айтжановтың шәкірті барды. Бұл шешім көп сын тудырды.
Париж Олимпиадасы үшін Сабырханға салмағын 52 кг-нан 57 кг-ға дейін көтеруге тура келді. Осы салмақ санаты үшін оның бойына қатысты сынға қарамастан, Махмұд өз таңдауына сенімді. Париж Олимпиадасында ол бірінші жекпе-жегінен кейін испандық Хосе Кильостан жеңіліп, жарыстан шығып қалды. Бұл жеңіліс оның мансабын аяқтау туралы ойлануына себеп болды. Моральдық тұрғыдан өте қиын болғанын, боксты тастау туралы ойлардың келгенін де айтты.
2022 жылдан бастап ресейлік блогер Некаратэнің бастамасымен Сабырханды БАҚ-та техникасы үшін «қазақ Ломаченкосы» деп атай бастады. Махмұдтың айтуынша мұндай атау өзіне ұнайытынын, бірақ тек оның жекпе-жектерімен өспегендігін, қазақтың чемпиондары – Данияр Елеусінов, Серік Сәпиев, Бекзат Саттархановтарды үлгі тұтқанын айтады.
Кәсіби бокс
[өңдеу | дереккөзін өңдеу]2025 жылдың 5 сәуірінде Сабырхан Астанада Жәнібек Әлімханұлының андеркартында кәсіби бокста дебют жасады. Ол Дук Дангты екінші раундта жеңді. Қарсыластың сыртқы келбеті мен тәжірибесіздігіне байланысты біраз сын болды. Оның арманы – Геннадий Головкиннің жолын қайталау. Сол кардта оның ағасы Төрехан да кәсіби дебют жасады. Ағайындылар дебюттік жекпе-жектері үшін жалпы сомасы 22 000 доллар алды, бұл шамамен 12 миллион теңгені құрады[6].
2025 жылғы әлем чемпионаты
[өңдеу | дереккөзін өңдеу]2025 жылы Ливерпульде өткен World Boxing тұңғыш рет ұйымдастырған Әлем чемпионатында 55 кг салмақ дәрежесінде екі дүркін әлем чемпионы атанды. Әлем чемпионатында Махмұдпен қатар кіші інісі 19 жасар Төрехан Сабырхан да әлем чемпионы атанды.
| 9 қыркүйек 2025 |
|
¼ финал | |||
| 10 қыркүйек 2025 |
|
Жартылай финал | |||
| 14 қыркүйек 2025 |
|
Финал | |||
2025 жылғы 18 қыркүйек күні Қасым-Жомарт Тоқаев Ақордада бокстан Әлем чемпионатының жеңімпаздары мен жүлдегерлерін марапаттады. Махмұд және Төрехан Сабырхан, олардың жеке бапкері Ілияс Оралбеков «Құрмет» орденімен марапатталды[7]. Федерация тарапынан әр чемпионға және оның бапкеріне 100 000 АҚШ доллар көлемінде сыйақы қарастырылған[8].
23 қыркүйек күні Шымкент қаласының әкімі Махмұд пен Төреханға әр қайсысына пәтер және автокқлік сыйлады. Сонымен бірге спортшылардың әкесі Айдархан Сабырханұлына да жеке көлік сыйланды[9].
Мемлекеттік марапаттары
[өңдеу | дереккөзін өңдеу]Дереккөздер
[өңдеу | дереккөзін өңдеу]- ↑ Лидер сборной Казахстана по боксу стал «академиком».
- ↑ Махмуд Сабырхан стал чемпионом мира по боксу в весе до 54 кг.
- ↑ Кайрат Сатжанов раскрыл причину сенсационного провала лидера сборной Казахстана по боксу.
- ↑ Махмуд Сабырхан необычным способом выиграл «золото» на Кубке мира по боксу.
- ↑ Махмуд Сабырхан без боя выиграл домашний этап Кубка мира по боксу.
- ↑ Как Махмуд Сабырхан стал звездой: фейки про жену и аварию, брат Торехан, почему думал уйти из бокса.
- ↑ Мемлекет басшысы бокстан Әлем чемпионатының жеңімпаздары мен жүлдегерлерін марапаттау рәсіміне қатысты. (2025 жылғы 18 қыркүйек).
- ↑ Братья Сабырхан получили квартиры и машины за триумф на ЧМ.
- ↑ Бокстан әлем чемпионы атанған ағайынды Сабырхандарға автокөлік, пәтер сыйға тартылды.
- ↑ За историческую победу: Президент наградил спортсменов и наставников.