Махмұт Абайдуллаұлы Абдрахманов

Абдрахманов Махмұт Абайдуллаұлы (20.6.1934 жылы туған, Еңбекшіқазақ ауданы, Ташкенсаз ауылы) — ақын, Қазақстан Жазушылар одағының мүшесі (1962), ғалым, филология ғылымдарының докторы (1994), профессор (1994). Ташкенсаз ауылындағы 7 жылдық мектепті, Түрген педагогикалық училищесін (1953), ҚазМУ-ді (1958) бітірген. 1958-1983 ж. "Коммунизм туги" газетінде, ҚР Ғылым академиясы Ұйғыртану секторында әр түрлі қызмет атқарды. 1983-2000 ж. Абай атындағы АлМУ-де кафедра меңгерушісі, 2000 жылдан осы оқу орнында оқытушы. "Ұйғыр совет әдебиеті тарихының очерктері" (1967), "Өрлеу жолында" (1979), "Ұйғыр совет әдебиеті тарихы" (1986), тағы басқа кітаптары жарық көрді. Абдрахманов көрнекті ақын ретінде де жұртшылыққа танымал. А.Құнанбаев, А.С.Пушкин, тағы басқа акындардың өлеңдерін ұйғыр тіліне аударуға қатысқан.