Махмұт Марипұлы Дараев

Махмұт Дараев
Туған күні	1 мамыр 1949 (1949-05-01)
Туған жері	Ғайрат ауылы, Шелек ауданы, Алматы облысы, Қазақ КСР, КСРО
Қайтыс болған күні	6 мамыр 2023 (2023-05-06) (74 жас)
Қайтыс болған жері	Алматы, Қазақстан
Азаматтығы	КСРО →  Қазақстан
Қызметі	актер
Белсенді жылдары	1971—2023
Театр	Мемлекеттік Құдыс Қожамьяров атындағы ұйғыр музыкалық комедия театры
Марапаттары	Достық ордені Қазақстанның еңбек сіңірген қайраткері

Махмұт Марипұлы Дараев — 1949 жылы 1 мамырда Алматы облысы Шелек ауданы Ғайрат ауылында туған. Ұйғыр. Әкесі — Дараев Марвахун. Анасы — Дараева Бахархан. Ж. Елебеков атындағы Республикалық эстрада-цирк училищесінің музыкалық драма факультетін бітірген (1971), солист-вокалист. Ұйғыр, қазақ және орыс тілдерін біледі. 1971 жылдан бері — Қ. Қожамияров атындағы Мемлекеттік республикалық ұйғыр музыкалық комедия театрының драма әртісі. «Табассум» шоу-бағдарламасының негізін салушы. «Ерен еңбегі үшін» медалімен марапатталған. «Яшлық» ВАА құрамында Ленин комсомолы сыйлығын иеленген, «Блиц-мини ком» республикалық фестивалінің лауреаты. Діни көзқарасы — мұсылман. Саяси қайраткер ретіндегі идеалы — Н.Ә. Назарбаев. Қазақстанның болашағы туралы болжамы — «Өркендеу». Хоббиі — спорт. Сүйіп оқитын әдебиеті — романдар, поэзия. Үйленген. Жұбайы — Дараева Асиям (1957 жылы туған), үй шаруасымен айналысады. Ұлы — Дараев Руслан (1977 жылы туған), тіс дәрігері; қызы — Дараева Алиям (1980 жылы туған), тіс дәрігері.