Махмұт Өтегенұлы Телегусов
| Махмұт Өтегенұлы Телегусов | |
 | |
| Туған күні | |
|---|---|
| Туған жері |
Дмитриевка а., Орынбор облысы, РКФСР, КСРО |
| Мемлекет | |
| Әскер түрі | |
| Қызмет еткен жылдары |
1973—2006 |
| Атағы | |
| Басқарды | |
| Байланысы |
«Генералдар кеңесі» республикалық қоғамдық бірлестігі төралқасы төрағасының орынбасары |
Махмұт Өтегенұлы Телегусов (16 ақпан 1955, Дмитриевка а., Орынбор облысы, РКФСР) — Қазақстан Республикасының мемлекет және әскери қайраткері, Қазақстан Республикасы Қарулы Күштері Аэроұтқыр әскерлері қолбасшысының орынбасары, генерал-майор (2000 жылдан бастап).
Өмірбаяны
[өңдеу | қайнарын өңдеу]1955 жылы 16 ақпанда Орынбор облысы Дмитриевка ауылында дүниеге келген.
1977 жылы Ленин атындағы Ташкент жоғарғы жалпыәскери қолбасшылық училищесін бітірген. Училищені бітірген соң Қиыр Шығыс, Солтүстік Кавказ және Түркістан әскери округтерінде: взвод командирі, рота командирі, жеке барлау батальонының штаб басшысы және батальон командирі қызметтерін атқарды.
1987 жылы «Выстрел» жоғарғы офицерлер курсын бітірді.
1992 жылы Қазақстан Республикасы Қарулы Күштері қатарындағы қызметке ауысты. Жамбыл облысы, Отар елді мекендегі 80-гвардиялық оқу мотоатқыштар дивизиясының 55-гвардиялық мотоатқыштар полкінің штаб басшысы қызметінен бастады.
1994 жылы Фрунзе атындағы Әскери академияны бітірді.
1993-1996 жылдары — 55-гвардиялық оқу мотоатқыштар полкінің қолбасшысы болды.
1996-1997 жылдары — Шығыс Қазақстан облысы, Аягөз елді мекеніндегі 78-танк дивизиясының штаб басшысы болды.
1997-2000 жылдары — 78-танк дивизиясының қолбасшысы (1999 жылдың мамырынан бастап — 3-механикаландырылған дивизия) болды.
2000 жылы 7 мамырда Махмұт Өтегенұлына генерал-майор әскери атағы берілді.
2001-2002 жылдары — Шығыс әскери округі қолбасшысының қару-жарақ жөніндегі орынбасары қызметін атқарды.
2002-2004 жылдары — Шығыс әскери округі қолбасшысының орынбасары болды.
2004-2005 жылдары — АҚШ Қарулы Күштерінің Орталық қолбасшылығында Қазақстан Республикасының өкілі болды.
2005-2006 жылдары — Қазақстан Республикасы Қарулы Күштері Аэроұтқыр әскерлері қолбасшысының орынбасары болды.
2006 жылдан бастап денсаулығына байланысты запасқа ауыстырылды.
«Генералдар кеңесі» республикалық қоғамдық бірлестігі төралқасы төрағасының орынбасары қызметін атқарады[1].
Қоғамдық жұмыстарға белсене араласады. Қазақстан Республикасы Қарулы Күштеріндегі сыбайлас жемқорлықтың жай-күйіне берген бағасымен бұқаралық ақпарат құралдарында кеңінен танымал.
Махмұт Өтегенұлының жеке бастамасы бойынша аэроұтқыр әскерлердегі сыбайлас жемқорлық фактілері бойынша жүргізген тергеу әрекеттеріне байланысты, кейіннен қылмыстық істер қозғала отырып, құзырлы органдарға ресми өтініштермен сүйемелденіп, оған қарулы күштердің лауазымды тұлғалары бірнеше рет беделін түсіріп, оған түрлі айыптар тағылды.
Отбасы
[өңдеу | қайнарын өңдеу]Әйелі — Мария Леонидовна. Ұлдары — Марат пен Игорь.
Дереккөздер
[өңдеу | қайнарын өңдеу]- ↑ Коллектив авторов Статья «Телегусов Махмут Утегенович» // «Генералы Казахстана». Энциклопедический справочник / Кайдаров Р. Е. — Екінші, қосымша. — Алматы: «Абзал-Ай», 2013. — Б. 208—209. — 480 б. — 2000 таралым. — ISBN 978-601-717-217-16.