Мақатбай Оразалыұлы

Уикипедия — ашық энциклопедиясынан алынған мәлімет
Навигацияға өту Іздеуге өту

Мақатбай Оразалыұлы (1892, Баян-Өлгий аймағы, Моңғол Халық Республикасы, 1972, Баян-Өлгий аймағы) - МХР-дің батыр партизаны. Ұлты қазақ. 1921 ж. комиссар К.Байкаловтың басшылығымен Қызыл Армия бөлімдері және қолбасшы Хасбатор бастаған Халық Революциялық Армиясының бөлімдері МХР-дің батыс өлкесін, Баян-Өлгий аймағын ақ гвардияшылдардан азат ету жолында шайқасқан кезде, Мақатбай Оразалыұлы оған белсене қатысып ерлік көрсетті. Мақатбай Оразалыұлы соғыстың қиын жағдайына қарамастан комиссар Б.Байкаловтың құпия хатын Қошағаштағы совет әскерлерінің гарнизонына табыс етті. Совет әскерлерінің бөлімдері жедел жәрдемге келді. Соның нәтижесінде Байкалов пен Хасбатор бастаған әскери бөлімдер жау қоршауын бұзып, ақ гвардияшыларды тас-талқан етті. Ерлік еңбегі үшін оған МХР-дің партизаны деген құрметі атақ берілді; Мақатбай Оразалыұлы МХР-дің Алтын Жұлдыз,КСРО-ның Қызыл Жұлдыз ордендерімен және көптеген медальдармен марапатталды. [1]

Дереккөздер[өңдеу | қайнарын өңдеу]

  1. Қазақ энциклопедиясы