Мақсат Медеубек

Медеубек Мақсат Сағатбекұлы - Қазақстан Республикасының мәдениет саласының үздігі, ҚР Тұңғыш Президенті –Елбасы Қоры грантының иегері; Халықаралық және Республикалық конкурстардың лауреаты, өнер докторы; «Тұран» этно-фольклорлық ансамблінің мүшесі; «Kobyzbook» электронды оқу құралының (мобильді қосымша және веб сайт) авторы;

Биография

Медеубек Мақсат Сағатбекұлы 10 қаңтарда 1986 жылы Алматы қаласына дүниеге келді. 1994-2003 ж. – А.Жұбанов атындағы РМҚОМИ қылқобыз мамандығы бойынша КСРО Мәдениетінің үздігі, ҚР Білім беру ісінің үздігі, ҚР Білім және ғылым министрлігінің құрметті қызметкері, доцент - Ә.Жұмабекұлының класына оқуға қабылданады. 2003-2004 ж. – К.Байсейітова атындағы дарынды балаларға арналған РММОМИ тәмамдап осы жылы Құрманғазы атындағы Қазақ Ұлттық Консерваториясы, Халық музыкасы факультетіне оқуға түседі. 2003-2005 - дарынды күйші, домбырашы Нұрсәт Бейсеқожамен бірлесіп «Нұрсәт пен Мақсат» атты домбыра мен қобыздан құралған дуэт құрады. «Нұрғали», «Аққу» атты туындыларды жарыққа әкеледі. 2004-2008 - Құрманғазы атындағы Қазақ ұлттық консерваториясының «Сарын» фольклорлық – этнографиялық ансамблінде, «Үркер» тобында қобызшы, домбырашы ретінде өнер көрсетеді. 2008 ж. бастап – Б.Бекмұханбет, С.Нұрмолдаев, А.Арықбаевтармен бірге «Тұран»  фольклорлық- этнографиялық ансамблін құрады. Гастрольдік сапарлармен Түркия, Украина, Австрия, Германия, Израиль, Испания, Корея, Египет, Франция, Венгрия, АҚШ, Лондон, Швейцария, Румыния, Индия, Тайвань, Қытай, Ресей, Өзбекстан, Түркіменстан, Қырғызстан  мемлекеттерінде болып, қазақ өнерінің шетелдерде насихатталуына үлес қосады. 2008-2010 жылы аталған оқу орнының  магистратурасын тәмамдайды.

Білімі

Оқу орны	Факультет	Оқу мерзімі
Құрманғазы атындағы Қазақ Ұлттық Консерваториясы	Халық музыкасы факультеті (Бакалавриат)	2004-2008
Құрманғазы атындағы Қазақ Ұлттық Консерваториясы	Халық музыкасы факультеті (Магистратура)	2008-2010
Құрманғазы атындағы Қазақ Ұлттық Консерваториясы	Халық музыкасы факультетінің докторанты	2017-2019

Мансабы

2006-2008 ж. – ГККП «Алматы әуендері», «Сазген сазы» ансамблінде қобызшы болып жұмыс істейді. 2009-2011 ж. - Құрманғазы атындағы Қазақ Ұлттық консерваториясы, ЭӨМС (ЭШСИ)  қылқобыз мамандығы бойынша кішкентай бүлдіршіндерге дәріс береді.  2009 ж. - бүгінгі күнге дейін Құрманғазы атындағы Қазақ Ұлттық консерваториясы «Қобыз және баян» кафедрасының қылқобыз мамандығы бойынша оқытушы қызметін атқарады. Дәріс беру барысында класс студенттері Халықаралық және Республикалық конкурстарда лауреат атанды. Олардың ішінде Ербол Мөлдір: «Шабыт»,  «Ықылас»;   Закария Серік: Республикалық олимпиада;  Қасенова Алина:  «Шабыт»,  «Тәттімбет» конкурстарында лауреат атанды. 2013 ж. Ықылас атындағы Халық музыкалық аспаптар мұражайының ғылым бөлімінің қызметкері болып қызмет істейді.  Осы жылы  Т.Жүргенов атындағы Қазақ ұлттық өнер академиясында қосымша - қылқобыз аспабы бойынша  дәріс береді. 2014ж. Т.Жүргенов атындағы Қазақ ұлттық өнер академиясында алғаш рет қыл-қобыз класы ашылып, қылқобыз мамандығы бойынша  ұстаздық қызметін бастайды. 2015 жылы аталған оқу орнында аға оқытушы ретінде ұстаздық қызметін жалғастырады.

Ғылыми және оқу-әдістемелік еңбектері

• Магистратура бойынша ғылыми жұмысы: «Қылқобыз аспабының типологиясы»
• «Қазақтың ұлттық аспаптарының бірі нарқобыз және оны жетілдіру жолдары»
• Д.Нұрпейісованың 150-жылдығына арналған «Дәстүр және даму» халықаралық конференция жинағы
• «Қобыз және оны ұстау, тарту әдіс-тәсілдері»
• «Қобыз тарту өнерінің кейбір әдістемелік мәселелері»
• «Қазақ халқының ұмыт болған көне үрлемелі аспаптарының тағы бір түрі»
• «Дәстүрлі музыкалық мәдениет: өткені мен бүгіні» 2 халықаралық ғылыми-практикалық конференция материалдары.
• "Kobyzbook Мұрағатталған 9 тамыздың 2020 жылы." электронды оқу құралы
• С. Медеубекұлының «Алатауым менің» атты ән-күй жинағы
• «Ішекті-ысқышты аспаптардың орындаушы қолында орналасуының сол қол техникасына тигізетін әсері» (қазақ қобызы, қырғыз қыл-қыяғы, қарақалпақ кобузы)
• «Д.Мықтыбаев, Ж.Қаламбаев, С.Үмбетбаевтардың қобыз тартудағы сол қол техникасы мен аспапты ұстау ерекшеліктері»
• «Қазақ, қырғыз,өзбек, қарақалпақ халықтарының қобыз тектес аспаптары: салыстырмалы-типологиялық зерттеу аспектілері»
• «Өзбек қобызы және оған арналған күйлер»
• «Еділ бойындағы татар, ноғай халықтарының мәдениетіндегі қыл-қобыз тектес аспаптары"

Жеке концерттері мен ұйымдастырушылық жұмыс

Жұмысы	Оқиғаның орны	Оқиға орын алған күн
«Нар толғау» атты нар қобыз аспабының тұсау кесері.	Құрманғазы атындағы ҚҰК-ның кіші залы	25.11.2011
Қазақ халқының ұмыт болған көне үрлемелі аспаптарының бірі «Мес сырнайды» қайта қалпына келтіру, атауын бекіту (белгілі орындаушылар мен ғалымдардың қатысуымен дөңгелек үстел)	-	16.11.2015
Мес сырнай аспабының тұсаукесері	Ықылас атындағы халық музыкалық аспаптар музейі	23.11.2015
«Бір күй бар тамырымда» Медеубек М.С. мен Бекмұханбет Б. жеке концерті.	Ықылас атындағы халық музыкалық аспаптар музейі	13.05.2015
Ақын, филология ғылымдарының докторы, профессор, ҚР "Дарын" мемлекеттік жастар сыйлығының лауреаты, «Құрмет» орденінің иегері Бауыржан Өміржанұлы Жақып «Абайдың Қасқа Бұлағы» атты поэзия кеші.	Ықылас атындағы халық музыкалық аспаптар музейі	25.11.2015
Әл-Фараби атындағы Қазақ ұлттық университетінің профессоры, тарих ғылымдарының докторы Кәрібаев Берекет Бақытжанұлы. Қазақ хандығының 550 жылдығына арналған «Бес ғасыр жырлайды» тарихи танымдық кеш.	Ықылас атындағы халық музыкалық аспаптар музейі	11.12.2015
Қазақстан Республикасының Тұңғыш президенті күніне рналған «Мәңгілік ел-мәңгілік сарын» атты дәстүрлі музыка концерті.	Ықылас атындағы халық музыкалық аспаптар музейі	04.12.2015
Абай Құнанбайұлына - 170 жылдығына арналған «Музей сахнасында Абай домбырасы!» атты әдеби-музыкалық кеш	Ықылас атындағы халық музыкалық аспаптар музейі	25.12.2015
«Бір күй бар тамырымда» атты концерт	Ықылас атындағы халық музыкалық аспаптар музейі	13.05.2015
«Kobyzbook» электронды оқу құралының (мобильді қосымша және веб сайт) тұсаукесері	ҚР Тұңғыш Президенті-Елбасы Қорының концерт залы	15.03.2017
С. Медеубекұлының 60 жасқа толуына орай шығармашылық кеші	Әл-Фараби атындағы Қазақ Ұлттық университеті	03.11.2018

Марапат, сыйлықтары (халықтық, халықаралық)

Марапаттау, атақ, сыйлау атауы	Орын	Ел	Жыл
Академик Ахмет Жұбанов атындағы жас және жеткіншек орындаушылар фестивалі	лауреат – 2 орын	Казақстан Алматы қ.	1999
Гүлнафис Баязитова атындағы І – қалалық конкурс фестивалі	лауреат – 2 орын	Казақстан Алматы қ.	2001
Жас орындаушылардың ХХIII Республикалық конкурсы	лауреат - 3 орын	Казақстан Астана қ.	2002
Құрманғазы атындағы V Халықаралық халық аспаптарында орындаушылар конкурсы	лауреат - 3 орын	Казақстан Астана қ.	2003
VI Халықаралық «Шабыт» шығармашыл жастар фестивалі	лауреат - 3 орын	Казақстан Астана қ.	2003
Республикалық конкурс	2 орын	Казақстан Астана қ.	2004
«Асыл мұра» жобасы бойынша өткізілген Дәстүрлі музыка орындаушылардың ІІ сайысы	2 орын	Казақстан Алматы қ.	2004
«Асыл мұра» жобасы бойынша өткізілген Дәстүрлі музыка орындаушылардың ІІІ сайысы	1 орын	Казақстан Алматы қ.	2005
VIII Халықаралық «Шабыт» шығармашыл жастар фестивалі	лауреат - 1 орын	Казақстан Астана қ.	2005
«Мәңгілік сарын» дәстүрлі музыка фестивалінің «Нар қобыз» номинациясы	1 орын	Казақстан Алматы қ.	2007
Ықылас Дүкенұлы атындағы Халықаралық Қылқобызшылар конкурсы	лауреат – 2 орын	Казақстан Тараз	2008
Қорқыт атындағы түркі тілдес мемлекеттердің дәстүрлі орындаушылық өнер фестивалі	1 орын	Казақстан Астана қ.	2012
Ерден Сандыбайұла атындағы І Республикалық қобызшылар байқауы	2 орын	Казақстан Жезқазған	2014
Тілеп Аспантайұлы атындағы ішекті-ыспалы аспаптарда орындаушылардың 2 Халықаралық байқауы	Бас жүлде	Казақстан Астана қ.	2018

Дереккөздер

1. http://kobyzbook.kz/Author Мұрағатталған 9 тамыздың 2020 жылы.
2. http://www.conservatoire.kz/kz/structure/faculties/Medeubek-kaz2/ Мұрағатталған 19 шілденің 2020 жылы.
3. https://100janaesim.ruh.kz/participants/2019/maksat-mederbek.html(қолжетпейтін сілтеме)