Маңғыстау облыстық білім беру ұйымдары қызметкерлерінің біліктілігін арттыру институты

Маңғыстау облыстық білім беру ұйымдары қызметкерлерінің біліктілігін арттыру институты
Университет атауы
Бұрынғы атауы	Маңғышлақ облысының мұғалімдер білімін жетілдіру институты
Жалпы сипаттамасы
Құрылған жылы	1973 жыл
Түрі	Әдістемелік мекеме
Орналасуы
Орналасқан жері	Қазақстан, Ақтау
Мекенжайы	3а шағын аудан
Кампус	қалалық
Әкімшілік
Негізгі көрсеткіштер

Маңғыстау облыстық білім беру ұйымдары қызметкерлерінің біліктілігін арттыру институты – әдістемелік мекеме.

• Алғашқы директоры – А.Нәжімеденов.
• Институт өлкеміздегі ұстаздар қауымын 5 жылда 1 рет (қажеттілік туындаса, одан да жиі) білім жетілдіру курсынан өткізіп тұрды.
• Курстардың тақырыбы алуан түрлі: жаңа технология, методикалық ғылым, теория тағы басқалар жетілдірулер.
• Қазіргі директоры – И.Т. Жұмағалиева.

Тарихы

• 1973 жылдары Маңғышлақ облысының мұғалімдер білімін жетілдіру институты болып құрылды.
• 2006 жылдан бері осы атымен аталады. Ашылған кездегі мекен-жайы: Шевченко қаласы, 3 «А» шағын ауданындағы кешкі мектеп.

Міндеті

Институттың қазіргі міндетіне педагогтарды қайта даярлау, жаңарған білім мазмұнына сай оқытудың әлемдік озық технологиялары мен әдістерін педагог мамандарға үйрету, 12 жылдық білім беруге көшуге байланысты педагог кадрларды қайта даярлауды жүзеге асыру, оқу орындарында жүргізілетін сынақ-байқау жұмыстарына әдістемелік көмекші құралдар, оқыту бағдарламаларын, өлкелік таным бағытындағы оқу құралдарын шығару, тағы басқалар ұйымдастыру-әдістеме жұмыстары кіреді. Институттың құрамында 1 кафедра, 3 орталық, 4 кабинет бар. Олар: теория және әдістемелік оқыту кафедрасы, педагогика мониторинг орталығы, ақпараттық технологиялар орталығы, кәсіптік білім беру орталығы, жаратылыстану-математика кабинеті, тәрбие кабинеті, қоғамдық гуманитарлық пәндер және мемлекеттік тілді дамыту кабинеті, баспа қызметі кабинеті.

Қазіргі жағдайы

2006 жылдың қыркүйек айында институт жанынан «Ұстаздар үйі» ашылды. Онда ТСО (техникалық құралдармен оқыту кабинеті), интернет класы, медиатека, химия және баспа кабинеттері жұмыс жасайды. Сонымен қатар 40 орынға арналған қонақ үйі, 150 орындық акт залы, 60 орындық асханасы бар. 2006 жылдың 6 мамырынан бастап айына 2 рет, білім саласындағы ақпараттық-инновациялық материалдарды, озат іс-тәжірибелерді таратып отыратын ақпараттық, танымдық және әдістемелік «Маңғыстау мұғалімі» газеті жарыққа шығарылады. Институт 13-шағын ауданның 47-ғимаратында орналасқан.