Маңғыстау облысы автомобиль көлік өндірісінің даму кезеңдері

Уикипедия — ашық энциклопедиясынан алынған мәлімет
Навигацияға өту Іздеуге өту

Автомобиль көлік өндірісінің даму кезеңі 70 жылды қамтиды.

Тарихы[өңдеу | қайнарын өңдеу]

Маңғыстау өлкесіндегі автомобиль көлік өндірісінің алғашқы құрылымы 1955 – 1957 ж. Гурьев (қазіргі Атырау) автотресінің Форт-Шевченко автотізбегі, кейін автобаза болған кезеңнен басталады. Маңғыстауда алғашқы мұнай іздеу, бұрғылау жұмыстарының жүргізілуіне байланысты 1964 ж. көктемде Жетібай кен орнында, алғашқы автотізбек жеткізілді. Мұнай өндірісінің қарқындап өсуіне байланысты бір жыл ішінде, көптеген жаңа автокөліктердің келуіне байланысты 1965 ж. Жетібай автобазасы өз алдына дербес мекеме болып құрылды. Өндірісте соңғы тех. жетістіктері пайдаланылды, өндірістік теледидар, теле-гидромеханикалық қондырғылар орнатылды. Осы жылдың аяғында Ералиев (Құрық) және Шевченкода (Ақтау) дербес автотізбектер құрылды.

1965 ж. қыркүйек айында Қазақ КСР-і Үкіметінің шешімімен Шевченкода Маңғыстау автотресі құрылып, құрамына Форт-Шевченко, Жетібай автобазалары, Шевченко, Ералиев автотізбектері енгізілді. Маңғыстау автотресі құрылғаннан бастап, 1965 жылдан Шевченко қаласына алғашқы ЛАЗ автобустары алынып, «Шеңбер-1, Шеңбер-2» деп аталатын қала ішінде жүретін маршруттар ашылды. 1967 ж. Шевченко автотізбегі өз алдына автобаза болып ашылды. 1966 ж. Форт-Шевченко, Ералиев, Жетібай, Таушық, Шетпеге қалааралық маршруттар бойынша, автобустар қатынай бастады. Шетпе кентінен Шетпе – Жаңажол, Шетпе – Қосбұлақ маршруттарына автобустар жүргізілді.

1968 – 69 ж. Шетпе – Қызан – Ақшымырау, Бейнеу – Қызыләскер маршруттары бойынша автобус қатынасы ашылды.

1968 ж. Шевченкода алғашқы екі ГАЗ-21 волга такси көлігі қызмет көрсете бастады. 1969 – 1974 ж. Шевченко қаласында дербес автобус паркі ашылды. Маңғыстау облысының өндіріс орындарының дамуына және қала, кенттердің ұлғаюына байланысты Маңғыстау автотресі Маңғыстау өндірістік автокөлік басқармасы болып іріленді. Құрамында 9 автокөлік мекемесі бар бірлестікте 2,5 мыңдай жүк көліктері, 350-дей автобус, 130 такси жеңіл көліктері шоғырланды, 4500-ден астам жұмысшылар болды.

1988 жылдан бастап 2 автобус паркі мен таксомотор паркі біріктіріліп Шевченко автокомбинаты құрылды. Сол кезде облыста 23 қалааралық, 35 қала ішіндегі және 37 арнаулы маршруттар бойынша күніне 260-тан аса автобустар қызмет көрсетті. А. Шамшадинұлы[1]

Дереккөздер[өңдеу | қайнарын өңдеу]

  1. Маңғыстау энциклопедиясы.