Маңғыстау политехникалық колледжі

Маңғыстау политехникалық колледжі
Университет атауы
Шынайы аты	МКҚК «Маңғыстау политехникалық колледжі»
Бұрынғы атауы	Гурьев кәсіптік училищесі Баутин кәсіптік училищесі №54 Форт-Шевченко қалалық кәсіптік училищесі Гурьев облыстық кәсіптік техникалық училищесі №11 Шевченко қалалық типтік училищесі №1 Шевченко кәсіби техникалық училищесі
Жалпы сипаттамасы
Құрылған жылы	1941 жыл
Түрі	Мемлекеттік колледж
Орналасуы
Орналасқан жері	Қазақстан, Ақтау
Мекенжайы	3б шағын аудан, Ақтау
Кампус	қалалық
Әкімшілік
Президенті	Жанбек Қорғанбекұлы Ниталиев
Негізгі көрсеткіштер
Сайты	www.mptk.edu.kz

Маңғыстау политехникалық колледжі — арнаулы орта оқу орны. 1941 жылы «Ембімұнай» бірлестігі мен сол кездегі Петровский атындағы зауыт базасында ғ9 Гурьев қолөнеркәсіптік училище болып ашылып, 1959 жылы Түпқараған ауданының Баутин кентіне ауыстырылған. Соңынан ол оқу орны төмендегідей болып өзгерді: 1973 жылы – ғ11 орта кәсіптік-техникалық училище.

1993 жылы жоғарғы кәсіптік училище. 1997 жылдан қазіргі атымен аталады. Алғашқы директоры – М.А. Леснов. Қазіргі директоры – Д.Ешманов

Тарихы

Маңғыстау политехникалық колледжінің тарихының тамыры тереңде. 1941 жылы Гурьев (қазіргі Атырау) қаласындағы Петровский атындағы зауытқа кәсіби мамандар дайындауға арналған ФЗУ, артынан кәсіптік училище болып құрылған болатын. Міне осы училище 1961 жылы Маңғыстау түбегіндегі Баутин поселкесіне көшірілді. Ол кезде училище кеме жөндеу, оны техникалық жабдықтау ісінің жұмысшы мамандарын даярлайтын, кейін Форт-Шевченко қаласына Маңғыстау мұнай – газ барлау тресі қоныс теуіп, барлау мен бұрғылау көлемі ұлғайған соң, оқу орыны мұнай саласына жұмысшы мамандар даярлауға көшті. Осы училище 1964 жылы № 54 Форт-Шевченко қалалық кәсіптік училищесі болып өзгерді. 1972 жылы Гурьев облысындағы кәсіптік техникалық училищесі мен Форт-Шевченко қаласындағы № 54 училищесі бірігіп Шевченко (қазіргі Ақтау) қаласындағы 3б шағын ауданына № 11 қалалық типтік училищесі болып көшірілді.

1972 жылы - Гурьев облысындағы кәсіптік техникалық училищесі мен Форт-Шевченко қаласындағы № 54 училищесі бірігіп Шевченко (қазіргі Ақтау) қаласындағы 3б шағын ауданына № 11 қалалық типтік училищесі болып көшірілді.

1974 жылы Қазақ КСР Министр кеңесінің қаулысымен "Маңғышлақмұнай" өндірістік ұйымына салалар бойынша мамандар дайындайтын №1 – ші Ақтау қаласының кәсіби-техникалық училищесі атауы берілді.

1993 жылы Маңғыстау облысы әкімшілігінің шешімімен Ақтау қалалық №1 жоғары кәсіптік училищесі 1997 жылы Маңғыстау облысының әкімінің шешімімен Маңғыстау политехникалық колледжі болып аталды. 1972 жылы алғашқы оқу жылын 8 кабинет, 5 шеберхана және 500 оқушымен бастаған оқу орны бүгінгі таңда 4 оқу ғимаратынан, 73 оқу кабинетінен, 4 шеберхана, 5 зертхана, 4мыңнан астам студенттер білім алып жатқан іргелі оқу орнына айналды.

Материалдық-техникалық базасы

1996 жылдың 1 қазанынан 1,2739 га жер көлемін пайдалану туралы колледждің мемлекеттік актісі және техникалық паспорты бар.

Колледж ғимараты үш қабаттан тұратын 4 оқу ғимаратынан және шеберханалардан тұрады.

Басты оқу корпусы

• Спорт зал, 250 орындық асхана;
• 300 орындық акт зал;
• 40 орындық конференц зал;
• Жалпы көлемі 59,38 м2 мұражай;
• Жалпы көлемі 42,36 м2 медициналық бөлімше ;
• 73 пәндік оқу кабинеті;
• 4 шеберхана және 5 зертхана.

Оқу кабинеттерінің оқу-техникалық құралдармен жабдықталуы

Колледждің материалдық – техникалық жағдайы кәсіби мамандарды қазіргі талаптарға сай дайындауға жан-жақты мүмкіндіктер жасалған. Оқу әдістемелік, ақпараттық және техникалық құралдармен толықтай жабдықталған 73 оқу кабинеті бар. Оның ішінде 5 компьютерлік кабинет хабарларды зерттеу, сақтау және жылдам жинақтау үшін жергілікті жүйе құрылды, 25 кабинет интернет желісіне қосылған. Компьютер техника саны — 150. Электронды және магнитті сақтаушылардың оқу бағдарламасымен бағытталған оқулықтарда жасақталуда және сатып алынуда. 2009-2010 оқу жылында барлық мамандықтар бойынша колледж оқытушыларының дайындауымен электрондық оқулықтар жасақталды және оқу үрдісінде қолданылуда. 28 оқу кабинеті интерактивті тақтамен жабдықталған.

Оқу үрдісінің ақпараттық-әдістемелік және кітапханалық қамтылуы

Колледж жанындағы кітапхананың көлемі 233,3 м , оқырман залына көлемі 50 м 30 стеллаж қойылған. Онымен қоса бір қабырғаға ҚР Президентінің еңбектері, жолдау материалдар, мемлекеттік қайраткерлігін баяндайтын материалдар бір стендаға топтастырылып қойылған. Екі жерге кітаптың құндылығы мен қажеттілігін және ұлттық тілді насихаттайтын сөздер безендіріліп ілінген. Колледж кітапханасы 70 орынға арналған оқу залы бар. Кітапханада 2 кітапханашы жұмыс істейді. Кітапхана оқырмандарға сапалы қызмет көрсетеді. Оқытушылар мен студенттерге кітапханада өз білімдерін жетілдіруге толық жағдай жасалынған.

Серіктестік

Теориялық алған білім сапасын тәжрибемен ұштастыру мақсатында 51 өндірістік кәсіпорындармен келісім-шарт жасақталды. Оның ішінде ірі алпауыт өндіріс мекемелері ЖШС «МАЭК Қазатомөнеркәсіп», ЖШС «ҚазАзот», ЖШС «КаскорМашзауыт», ЖШС «Ақтау темір қорыту зауыты», ЖШС «ЕмірОйл», ЖШС «Arcelor Mittal Tubular Products Aktau», БФ АҚ «Қазтрансойл» т.б. бар.

Колледждегі барлық мамандықтар бойынша студенттер оқу жылының басында стандартқа сай тәжірибе бағдарламаларын құрастырып, директордың оқу өндірістік тәжірибе жөніндегі орынбасарына бекітеді. Барлық мамандықтар бойынша тарификацияға сай, топтардың тәжірибе кестесі жасақталынып, тәжірибе жетекшілері тағайындалады. Тәжірибе жетекшілері колледж директорының оқу өндірістік тәжірибе жөніндегі орынбасарына бекітілген бағдарламаларын тапсырған соң, Қазақстан республикасы Білім және ғылым Министрлігінің 05.04.2004 жылғы №287 бұйрығымен бекітілген «Кәсіптік тәжрибе туралы» әдістемелік нұскаулығына сәйкес тәжірибелік есеп мазмұны мен толтырылуының бірыңғай талаптарымен танысып, қол қояды. Тәжірибе кестесіне сай он күн бұрын топтардың жетекшілері базалық кәсіпорынға студенттер туралы мәлімет толтырылған хат дайындайды. Содан кейін тәжірибе жетекшілері жасақтаған бағдарламалары бойынша топ оқушыларына тәжірибе жоспарын беріп, күнделік және тәжірибелік есепті қалай толтыру жолдарын көрсетіп, мекемеге орналастырады және сол мекеменің тағайындалған жауапты қызметкерімен біріге отырып, студенттерді тәжрибеден өткізеді. Студенттер оқу орнынан алған теориялық білімдерін тәжірибемен ұштастырып, барлық көрген-білгендерін күнделікке толтырып, тәжірибе есебін тәжірибе жетекшісіне тапсырады. Тәжірибе жетекшілері жасалынған жұмысына қарап бағалайды және қорытынды бағасын мәліметке түсіреді.