Медицина тарихындағы жаңалықтар
Шамамен 150 жыл бұрын науқастар операция кезінде аурудың азабына шыдай алмай немесе қорқыныштан көз жұматын. Ол кездерде сырқаттар операция кезінде ояу жататын еді. Сондықтан жанға батқан аурудан азап шегетін. Аурудың күшін басатын дәрілер болған жоқ. Хирургтер гигиеналық талапқа сай келмейтін жағдайда жылдам жұмыс істейтін және қажетті аспаптары да өте аз болатын. Өнертабыс медицина ғылымына жеткен кезде, емдеу ісі дұрыс арнаға түсті. Мыңдаған науқастар дертіне шипа тапты. Француз дәрігері Рене Ланнек 1815 жылы стетоскопты жасады. 1846 жылы америкалық тіс дәрігері Уильям Мортон хирургке көмекші болып тұрғанда операцияға жатқан науқасқа эфир ерітіндісін иіскетіп, оны аз уақытқа ұйықтатып қояды. Француз дәрігері Чарльз Праваз 1853 жылы тері астына шприц пен дәрі жіберуге болатынына көз жеткізді. Солайша дәрі-дәрмектер адам денесіне тікелей егілетін болды. 1847 жылы британ хирургі Джозеф Листер індет тудыратын микробтарды жоятын карбол қышқылы қосылған антисептиканы ашты. Неміс физигі Уильям Рентген рентген сәулесінің қасиетін анықтады. Сол арқылы адамның сүйектерін анықтап көру мүмкін болды. 1943 жылы Александр Флеминг ең алғашқы антибиотик – пенициллинді ашты.
Дереккөздер[өңдеу | қайнарын өңдеу]
ҰЛЫ ӨНЕРТАБЫСТАР. – Алматы:«Аруна» баспасы –32 бет.– Сер.:«Балаларға арналған танымдық энциклопедия». ISBN 9965-26-447-3