Мейер Гуггенхайм

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Мейер Гуггенхайм
ағылш. Meyer Guggenheim
Сурет
Туған күні

1 ақпан 1828(1828-02-01)

Туған жері

Швейцария, Аргау, Ленгнау

Қайтыс болған күні

15 наурыз 1905(1905-03-15) (77 жас)

Қайтыс болған жері

АҚШ, Флорида, Палм-Бич

Азаматтығы

 Швейцария
 АҚШ

Компаниясы

Philadelphia Smelting and Refining Company

Лауазымы

президенті

Мейер Гуггенхайм (ағылш. Meyer Guggenheim 1828 ж. 1-ақпан1905 ж. 15-наурыз)— америкалық кəсіпкер жəне филантроп, Гуггенхаймдар əулетінің негізін салушы.

Өмірбаяны[өңдеу]

Мейер Гуггенхайм Швейцарияның Аргау аймағының Ленгнау елді мекенінде, еврейлердің ашкенази деп аталатын тобына жататын отбасында дүниеге келген. Ол өз əкесі Симон Гуггенхаймның бес баласының ішіндегі жалғыз ұлы. 1847 жылы оның отбасы АҚШ-қа көшеді.

Гуггенхаймдар кофе жəне дəмдеуіштерді импорттау кəсібін ашады. Алайда, Мейер Гуггенхайм өз байлығының басым бөлігін кен шығару мен оны өңдеуден тапты. 1881 жылы қарызға төлем ретінде Колорадо штатындағы кейінірек күміс кенінің мол қоры табылған тау-кен кəсібін алады. Кейінірек кəсіп кеңейіп кенді балқыту фабрикалары ашылды: 1889 жылы Колорадо штатының Пуэбло елді мекенінде алғашқы күміс балқыту зауыты ашылды. Сол жылы «Philadelphia Smelting and Refining Company» компаниясының негізі қаланды. Кен өңдеу зауыттары АҚШ пен Мексиканың солтүстігінде ашыла бастады. Гугенхайм кен өндіруден бастап, дайын өнім алуға дейінгі процесті орындайтын зауыттар тізбегін жасады. Бұл оның күміс, қорғасын жəне мыс нарығындағы басты орынды алуына əкелді.

Оған қарсы шығу үшін бəсекелестері 1899 жылы «American Smelting and Refining Company» трестін құрады, бірақ бір жылдан кейін-ақ Гуггенхайм оны өз қарамағында ұстады. Өзінің ең биік белесте болған кезеңінде Гуггенхаймның қол астында əлемдік күміс, қорғасын мен мыс өндірісінің 80%-ы болды.

1891 жылы жұмысын шетке ысырып Флоридаға көшіп кетеді. Өз кəсібін ұлдарына тапсырып, өзі қайырымдылықпен айналысуға кіріседі.

Мұрагерлері[өңдеу]

1852 жылы Мейер Гуггенхайм Барбара Майерске үйленді. Мейер Гугенхаймның он бір баласы болды. Өсе келе, оның бес ұлы əке кəсібінің бір бөлігін алды.

  • Исаак Гуггенхайм (18541922)
  • Даниэль Гуггенхайм (18561930) — əкесі дүниеден өткен соң əулетті басқарды
  • Мюррей Гуггенхайм (18581939)
  • Соломон Роберт Гуггенхайм (18611949) — қазіргі заман өнерін қолдаушы, Нью-Йорктегі қазіргі заман өнерінің мұражайын ашқан.
  • Бенджамин Гуггенхайм (18651912) — «Титаниктің» апаты кезінде батып кеткен.
  • Роберт Дж. Гуггенхайм (18671876)
  • Симон Гуггенхайм (18671941) Колорадо штаты атынан шыққан сенатор
  • Уильям Б. Гуггенхайм (18681941)
  • Роза Гуггенхайм (18711945)
  • Кора Гуггенхайм (18731956)

Дереккөздер[өңдеу]