Мейрам Абақанов
| Мейрам Абақанов | |
| Қызметі |
қоғам қайраткері |
|---|---|
Мейрам Абақанов (1931 ж. Қарағанды облысы Қарқаралы ауданы - 1998 ж. Жезқазған) - саяси, қоғам қайраткері. Отан алдында адал еңбегі үшін 2 мәрте "Еңбек Қызыл Ту", "Құрмет Белгісі" ордендерімен, он шақты медаль және екі рет республика Жоғарғы Кеңесі Президиумының құрмет грамоталарымен марапатталған.[1]
Өмірбаяны[өңдеу | қайнарын өңдеу]
Алматы зоотехникалық мал дәрігерлік институтын бітірген (1954). 1958-1992 ж. аралығында Қарқаралы қаласы, Жезқазған ауданы кеңесінің төрағасы, Жезді, Қарсақбай, Шет ауданы, Ұлытау аудандарында І хатшысы т.б. басшы қызметтерде болды.
Қоғам қайраткері, ақын Кәкімбек Салықовтың Мейрам Абақановқа арнаған жүрекжарды жырында мынандай шумақтар бар[2]:
Сарырқа - жомарт өлке, қыраны көп, Бір кезде қанаттасқан шұбады лек. Шыңынан Қарқаралы қанат қағып, Кетіп ең Ұлытаудың ұланы боп.
Мейрам Абақановтың тегі жөнінде газет беттерінде төмендегідей жазылған. Ағайынды үш жігіт Абақан, Құрмаш, Құрманғалилер ерте есейіп, жаңа қоғам құрылысына белсене араласқан. Ал, олардың арғы аталарының аға сұлтан Жамантай төремен, азулы да әділ би Жанқұтты шешенмен аралас-құраластығы жайлы ұрпақтан-ұрпаққа ұмытылмай жеткен әңгімелер сол өңірдің халқына жақсы белгілі.
Абақан мен әйгілі ғалым Ақжан Жақсыбекұлы әл-Машани туған нағашы-жиендер. Құрмаш жайлы Сапарғали Бегалин мен Әлжаппар Әбішевтің кітаптарында Қарқаралыға, Қоянды жәрмеңкесіне байланысты салиқалы сипаттамалар бар. Мейрамның өз анасы - Ақлима Сұлтанмахмұт қызы Барлыбай тегі - Баянауыл бөктерінен.[2]
Дереккөздер[өңдеу | қайнарын өңдеу]
- ↑ Қарағанды облысы: Энциклопедия. - Алматы: Атамұра, 2006. ІSBN 9965-34-515-5
- ↑ a b Сарыарқа газеті, 24 ақпан 2001 жыл
Тағы қараңыз[өңдеу | қайнарын өңдеу]
http://www.baq.kz/regional_media/post/31602(қолжетпейтін сілтеме) http://catalog.karlib.kz/irbis64r_01/Kraeved//VOV_kaz//Zenbirek_suiretken_soldat.pdf http://ikitap.kz/books/GabidenAngimePiesa/files/assets/basic-html/page233.html http://thenews.kz/2009/10/13/150822.html(қолжетпейтін сілтеме)