Мелвилл (арал, Канада)
| Мелвилл ағылш. Melville Island | |
 | |
| Сипаттамасы | |
|---|---|
| Ауданы | 42 149 км² |
| Ең биік нүктесі | 776 м |
| Тұрғындар (2012 жыл) | 0 адам |
| Орналасуы | |
| 75°30′ с. е. 111°30′ б. б. / 75.500° с. е. 111.500° б. б. (G) (O) (Я)Координаттар: 75°30′ с. е. 111°30′ б. б. / 75.500° с. е. 111.500° б. б. (G) (O) (Я) | |
| Архипелаг | Канадалық Арктикалық топарал |
| Акватория | Солтүстік Мұзды мұхит |
| Ел |  Канада |
| Аймақтар | Нунавут, Солтүстік-Батыс территория |
 Мелвилл Ортаққорда | |
Мелвилл (ағыл. Melville Island) — Канададағы арал.
Географиясы[өңдеу | қайнарын өңдеу]
Бұл Канадалық Арктикалық архипелагының, Елизавета патшайым аралдарының және Парри архипелагының құрамына кіреді. Нунавут (Кикиктани аймағы) мен Солтүстік-Батыс территория арасында әкімгершіліктей бөлінген. Ауданы 42 149 км², әлемде 33-орын және Канадада 8-орын алады. Парри архипелагының ең ірі аралы. Жағалау сызығының ұзындығы 3107 км. Мелвилл аралы Батерст аралының жағалық аралдар тобына кіретін Александер, Мэсси, Ванье аралдарынан батысқа қарай 36 км қашықтықта (Байам-Мартин бұғазы арқылы), Байам-Мартин аралынан батысқа қарай (Байам бұғазы арқылы) 27 км, Принс-Патрик аралынан оңтүстік-шығысқа қарай 23 км (Фитц-Уильям бұғазы арқылы) және Эмералд аралынан оңтүстікке қарай 26 км қашықтықта орналасқан. Ені 122 км болатын Вайкунт-Мелвилл бұғазы Мелвиллді оңтүстіктегі Виктория мен Стефанссон аралдарынан бөледі, ал ені 102 км Мак-Клур бұғазы оңтүстік-батыстағы Банкс аралынан, Келлетт бұғазы батыстағы Эглинтон аралынан бөледі.
Мелвилл аралында бірнеше үлкен түбектер және шығанақтар бар қисық пішінді. Аралдың солтүстік жағында Хекла-энд-Грайпер шығанағы, оңтүстік-батыста - Лиддон шығанағы аралға енеді. Бұл шығанақтар аралға тән сипатын беріп, үш түбекті құрайды: солтүстік-шығысында Сабин түбегі, оңтүстік-батыста Дандас түбегі және солтүстік-батыста қатты кетілген түбек. Аралдың шығыстан батысқа дейінгі максимум ұзындығы - 340 км, солтүстіктен оңтүстікке қарай - 212 км.
Аралдың жер бетін үш кең топографиялық аймаққа бөлуге болады: оңтүстік-батыс плато, орталық таулы аймақ және солтүстік-шығыс жазық аймақ. Аралдың ең биік нүктесі аралдың батыс бөлігінде, теңіз деңгейінен 776 метр биіктікте орналасқан Блу-Хилс тауы. Адамдар тұрмайды. Арал маңында табиғи газдың кен орны бар деп шамаланады.
Мұнда орташа жазғы температура әдетте 5 градустан аспайды және бұл арал Солтүстік Америка субарктикасының ең суық жерлерінің бірі болып саналады.