Мерей Құрманұлы Уайысов

Мерей Құрманұлы Уайысов 1956 жылы 18 наурызда Алматы облысы Еңбекшіқазақ ауданының Есік ауылында туған. Қазақ. Әкесі -Уайысов Құрман, марқұм. Анасы -Уайысова Сәнді, марқұм. С.М. Киров атындағы Қазақ мемлекеттік университетін заң факультетін бітірген (1982) заңгер. Құқық мәселелері жөніндегі бірқатар ғылыми-публицистикалық монографиялар мен мақалалардың (авторлық ұжым жетекшісі) авторы. Қазақ және орыс тілдерін біледі. 1974 жылдың қыркүйек айынан - Есік аудандық тұрмыс қажетін өтеу комбинатының күрделі тұрмыс техникасын жөндеу жөніндегі электрмонтер-слесарьдің шәкірті. 1974 жылдың қараша айынан - Кеңес Әскерінің қатарында қызметте. 1976 жылдың желтоқсан айынан 1977 жылға дейін - Еңбекшіқазақ аудандық мәдениет бөлімінің аудандық мәдениет үйінде электрмонтер-слесарь. 1982 жылдан - Қостанай облыстық сотында сынақ мерзімінен етуші, 1983 жылдың тамыз айынан - сот мүшесі міндетін атқарушы, 1983 жылдың қазан айынан - сот мүшесі. 1985 жылдан - №16676 ә/б кіші жедел өкілі, жедел өкілі, аға жедел өкілі, аға тергеушісі, АМІ жөніндегі аға тергеушісі. 1992 жылдан - ҚР Жоғарғы Кеңесі заңнама, құқықтық сараптама және талдау бөлімінің аға консультанты, 1993 жылдың тамыз айынан - заңнама, құқықтық сараптама және талдау бөлімінің аға консультанты - қылмыстық құқық және үдеріс мәселелері тобының жетекшісі. 1993 жылдың желтоқсан айынан - ҚР Мемлекеттік мүлік жөніндегі мемлекеттік комитетінің заң бөлімінің бастығы, 1994 жылдың қаңтар айынан - заң қызметі басқармасының бастығы, 1994 жылдың қыркүйек айынан - заң бөлімінің бастығы. 1995 жылдың қаңтар айынан - ҚР Президенті Аппаратының заңнамалық бастамалар және құқық сараптамасы бөлімінің шаруашылық заңнама секторының меңгерушісі. 1995 жылдың қараша айынан - ҚР Президенті Әкімшілігінің заңнамалық бастамалар және құқық сараптамасы бөлімін де шаруашылық заңнама секторының меңгерушісі. 1990 жылдан - ҚР әділет министрінің орынбасары. 1997 жылдың қаңтар айынан - ҚР әділет министрінің бірінші орынбасары 1997 жылдың наурыз айынан - ҚР әділет вице-министрі 2000 жылдан - Нашақорлыққа және есірткі бизнесіне қарсы күрес жөніндегі ҚР Агенттігінің төрағасы. 2001 жылдан - ҚР Әділет министрлігінің Нашақорлыққа және есірткі бизнесіне қарсы күрес жөніндегі комитетінің төрағасы. 2001 жылдан 2008 жылдың ақпан айына дейін - ҚР Бас прокурорының орынбасары. «КСРО Қарулы Күштеріне 70 жыл» (1988), «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен марапатталған. 3-ші сыныпты мемлекеттік әділет кеңесшісі.

• Діни көзқарасы - атеист.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Қазақстан қоғамының әрі қарайғы модернизациясы мен демократияландырылуы, экономиканың өркендеп, нығаюы».
• Хоббиі - кітап оқу, спорттық туризм.
• Сүйіп оқитын әдебиеті - М.А. Булгаковтың шығармалары
• Үйленген. Жұбайы - Қойшыбаева Шолпан Қоданқы.ты (1958 жылы туған), «Қазақтелеком» АҚ персоналмен жұмыс жөніндегі бас менеджер. Ұлдары - Уайысов Даниел Мерейұлы (1979 жылы туған), Уайысов Елдар Мерейұлы (1986 жылы туған).