Месут Өзіл

Месут Өзіл
Жалпы мағлұмат
Толық аты	Месут Өзіл
Лақап аттары	Немо
Туған күні	15 қазан 1988 (1988-10-15) (36 жас)
Туған жері	Гельзенкирхен, ГФР
Азаматтығы	Германия
Бойы	182 см
Салмағы	72 кг
Позиция	жартылай қорғаушы
Клуб карьерасы 2006—2007 Шальке 04 30 (0) 2008—2010 Вердер 71 (13) 2010—2013 Реал Мадрид 71 (10) 2013—2021 Арсенал 184 (33) 2021—2022 Фенербахче 32 (8) 2022—2023 Ыстанбұл Башахшехир 4 (0) Ұлттық құрамы 2006—2007 Германия-19 11 (4) 2007—2009 Германия-21 16 (5) 2009—2018 Германия 92 (23)

Месут Өзіл (нем. Mesut Özil [meˈsut øˈzil]; түр. Mesut Özil,[ˈmeːzʊt ˈœzɪl]; 15 қазан 1988, Гельзенкирхен, Солтүстік Рейн — Вестфалия, Германия) — футболшы, тегі түрік, жартылай қорғаушы.

Мансабы

Клубтық

Балалық шағында Германияның бірнеше клубының академиясынан өтті. 2005 жылы "Шальке" клубымен тұңғыш келісім шартын жасасты. Тұңғыш ойынын Германия лига кубогында өткізді.

2006/07 жылдан негізгі құрамда жиі ойнай бастады. Маусым бойы 19 кездесуде алаңға шықты.

2008 жылы қаңтарда "Вердермен" келісім шарт жасасты. 10 ақпанда "Баварияға" қарсы Германия чемпионаты ойынында "Вердер" сапында тұңғыш рет алаңға шықты. 26 ақпанда тұңғыш голын "Карлсруэ" қақпасына соқты.

2010 жылы тамыз айында "Реал Мадридке" ауысты. 29 тамызда "Мальоркаға" қарсы ойында тұңғыш рет алаңға шықты. Бірінші голын 3 қазанда "Депортиво" қақпасына соқты. Ал Чемпиондар лигасындағы тұңғыш ойынын "Аякске" қарсы өткізді. 2011/12 жылғы маусым қарсаңында Лассана Диарра клубтан кетті де, Өзіл 10-нөмірлі жейдені киді. Маусымды "Барселонаға" қарсы Испания суперкубогында бастады. Алғашқы ойын "Сантьяго Бернабеуде" өтті де, 13-минутта Өзіл есеп ашты. Матч 2:2 есебімен тең аяқталды. Бірақ қос матч қорытындысына суперкубокты "Барселона" ұтып алды. Маусым қорытындысында Испания чемпионы атанды.

2012/13 жылғы маусымды Испания суперкубогындағы жеңіспен бастады. Бұл жолы да қарсыластары "Барселона" болды да, екі ойын қорытындысында "Реал" жеңіске жетті. 7 қазанда "Барселонамен" Испания чемпионатындағы ойында Криштиану Роналдуға нәтижелі пас шығарды (2:2). 17 қарашада маусымдағы тұңғыш голын "Атлетик Бильбао" қақпасына соқты.

2013 жылы клубқа Гарет Бейл келген соң қосалқы құрамда қалғысы келмеген Өзіл жаңа клуб іздеді. Қыркүйек айының басында "Арсеналға" ауысты. Жаңа клубы сапындағы тұңғыш ойынын 14 қыркүйекте өткізді. 1 қазанда тұңғыш голын "Наполи" қақпасына (Чемпиондар лигасының топтық кезеңі) енгізді. Маусым қорытындысында Англя кубогы жеңімпазы атанды.

2021 жылы 24 қаңтарда "Фенербахчеге" ауысты.

Ұлттық құрама

2009 жылы 11 ақпанда Норвегияға қарсы жолдастық кездесуде тұңғыш рет Германия құрамасы сапында алаңға шықты. 2010 жылғы әлем чемпионатының топтық кезеңінде Гана қақпасына матч тағдырын шешкен жалғыз голды соқты. 2012 жылғы Еуропа чемпионатында 1/4 финалда екі нәтижелі пас шығарды, жартылай финалда Италия қақпасына пенальтиден бір гол соқты.

2014 жылғы әлем чемпионатының 1/8 финалында Алжир қақпасына бір гол соқты.

2016 жылғы Еуропа чемпионатының топтық кезеңінде Украинамен ойынша Швайнштайгерге нәтижелі пас берді. Ширек финалда Италия қақпасына бір гол соқты.

2018 жылғы әлем чемпионатында Германия топтан шыға алмады да, Германияның көптеген футболшыларымен бірге Өзіл де құрамадағы карьерасын аяқтады.

Жетістіктері

Командалық

Вердер

• Германия кубогы: 2008/09

Реал Мадрид

• Испания чемпионы: 2011/12
• Испания кубогы: 2010/11
• Испания суперкубогы: 2012

Арсенал

• Англия кубогы (4): 2013/14, 2014/15, 2016/17, 2019/20
• Англия суперкубогы (4): 2014, 2015, 2017, 2020

Германия

• Жастар арасындағы Еуропа чемпионы: 2009
• Әлем чемпионы: 2014
• Әлем чемпионатының қола жүлдегері: 2010
• Еуропа чемпионатының қола жүлдегері (2): 2012, 2016

Жеке

• Германияның үздік футболшысы (5): 2011, 2012, 2013, 2015, 2016
• Чемпиондар Лигасының үздік ассастенті: 2010/11
• Еуропаның символикалық құрамы: 2012, 2013
• Испания чемпионатының үздік ассистенті: 2011/12
• Англия чемпионатының үздік ассистенті: 2015/16

Сілтемелер

• Ресми сайт (нем.)(Түрікше)
• Статистикасы (нем.)
• Профилі (ағыл.)