Микәйіл періште

Уикипедия — ашық энциклопедиясынан алынған мәлімет
Jump to navigation Jump to search

Микәйіл періште әл-Микәил (араб. ҘГBҹӘ) – адамға ырыздық жеткізуші, несібе таратушы періште. Микәйіл Аллаға айрықша жақын төрт муққораб, яғни ардақты періштелердің бірі. Микәйіл періштенің есімі Құран Кәрімде бір жерде Жәбірейіл періштенің есімімен қатар аталып, Аллаға, пайғамбардың дұшпандарына адамдарға қарсы қаһарлы ескертуде келтіріледі: “Кім Аллаға, періштелеріне, елшілеріне, сондай-ақ Жәбірейіл, Микәйілге (ғ.с.) дұшпан болса, әлбетте Алла кәпірлерге дұшпан” (2/68). Бұл аятты яһудилердің “Жәбірейіл бізге азап жеткізген дұшпанымыз, егер уахиды Микәйіл әкелсе сенер едік” деген күпірлік сылтауларына қарсы түсірілген аят деп тәпсірлейді. Адам атаны жарату үшін жерден топырақ алдыратын аңызда Микәйіл періште адам қалыбын адал ризықпен нәсіптендіріп, асыл рухтың мекені етуді қалайтын, адамның өз денесін арам лас нәрселермен толтыруына, кіріптар жанды соған тұтқын қылуына қарсы періште, яғни адам жанының жебеушісі ретінде көрінеді. Дәстүрлі қазақ қоғамында батагөй ақсақалдардың тілек-батасында Микәйіл періште есімі Жәбірейіл, Исрафил, Әзірейіл періштелердің қатарында ауызға алынады.[1]


Пайдаланылған cілтемелер[өңдеу]

  1. Қазақ Энциклопедиясы