Минтимер Шәрипұлы Шәймиев

	Минтимер Шәрипұлы Шәймиев; тат. Минтимер Шәрип улы Шәймиев
Лауазымы
26 сәуір 2010 жыл бастап
Президент	өзі; Рүстем Миңнеханов
Ізашары	лауазым құрылды
4 шілде 1991 жыл — 25 наурыз 2010 жыл
Президент	Борис Ельцин; Владимир Путин; Дмитрий Медведев
Ізашары	лауазымы құрылды, Татар КСР Жоғарғы Кеңесінің төрағасы ретінде өзі
Ізбасары	Рүстем Миңнеханов
11 сәуір 1990 жыл — 4 шілде 1991 жыл
Ізашары	лауазымы құрылды, Татар АКСР Жоғарғы Кеңесінің төрағасы ретінде Мирфатых Зәкиев
Ізбасары	Фарид Мұхамматшин
23 қыркүйек 1989 жыл — 23 қыркүйек 1990 жыл
Өмірбаяны
Партиясы	«Біртұтас Ресей»
Білімі	Қазан ауыл шаруашылығы институты
Діні	Сунни ислам
Дүниеге келуі	20 қаңтар 1937 (85 жас)
Әкесі	Шағишарип Шаймұхамметұлы Шәймиев (1901—1967)
Анасы	белгісіз
Жұбайы	Сақина Шәкірқызы Шәймиева (1939—2018)
Балалары	Айрат (1962 туғ.) ; Радик (1964 туғ.)
Минтимер Шәрипұлы Шәймиев Ортаққорда
	өңдеу

Минтимер Шәрипұлы Шәймиев (тат. Минтимер Шәрип улы Шәймиев; 20 қаңтар 1937, Қазан) — ресейлік саясаткер, Татарстанның тұңғыш Президенті.

Қазан ауыл шаруашылығы институтын бітірген (1959). 1969-83 жылы Татарстанның мелиорация және су шаруашылық министрі, 1983-85 жылы Татарстан облысы партия комитетітінің хатшысы қызметтерін атқарды. 1985-89 жылы Татар АКСР-і Министрлер Кеңесінің төрағасы, 1989–90 жылы Татарстан облысы партия комитетітінің 1-хатшысы, 1990 — 91 жылы Татарстан Республикасы Жоғарғы Кеңесінің төрағасы болды. 1991 жылы маусым айынан бастап 2010 жылға дейін Татарстан Республикасының тұңғыш Президенті (1996 жылы қайта сайланды). Шәймиевтің тікелей қатысуымен 1990 жылы 30 тамызда “Татарстанның мемлекеттік егемендігі жөніндегі Декларация”, 1992 жылы 6 қараша күні Татарстан Республикасының жаңа Конституциясы қабылданды және 2 рет (19 — 22 маусым, 1992 жылы; 26 — 29 тамыз, 1997 жылы) татарлардың Дүниежүзілік конгресі өткізілді. Шаймиев саяси-қоғамдық өмірде Татарстан халқының жан-жақты дамуында, елдегі ұлтаралық келісім мен саяси тұрақтылықты сақтауда, жақын және алыс шет елдермен қарым-қатынастар шеңберін барынша кеңейтуде ерекше еңбек сіңіріп келе жатқан саяси басшы ретінде танылды. Ресми сапармен Қазақстанда бірнеше мәрте болған.^[1]