Мира Аманкұлқызы Көшкімбаева

Мира Аманкұлқызы Көшкімбаева

1968 жылы 7 ақпанда Жамбыл облысы Шу ауданының Новотроицкое ауылында туған. Қазақ.

Әкесі - Көшкімбаев Аманқұл. Анасы - Көшкімбаева Анаркүл.

М.В. Ломоносов атындағы Мәскеу мемлекеттік университетінің философия факультетін (1991) философ-саясаттанушы мамандығы бойынша; Қазақ мемлекеттік басқару академиясының экономика факультетін (1997) экономист мамандығы бойынша; Маастрихт университетін (Нидерланд, 2003) master of science дәрежесімен бітірген.

Қазақ, орыс және ағылшын тілдерін біледі.

1991 жылдан - Абай атындағы Қазақ мемлекеттік педагогикалық университетінің саяси тарих және саясаттану кафедрасының оқытушысы. 1992 жылдан - Абай атындағы Қазақ мемлекеттік педагогикалық университетінің аспиранты. 1993 жылдан - «Матай-фонд» инвестициялық жекешелендіру қорының инвестициялар жөніндегі директоры, 1994 жылдан - бағалы қағаздар жөніндегі директоры. 1995 жылдан - «САІFС» АҚ бас директоры. 1996 жылдың наурызынан - «Матай-фонд» инвестициялық жекешелендіру қорының басқарушысы. 1996 жылдың маусымынан - «Еуразиялық банк» АҚ қор бөлімінің бас маманы, 1997 жылдан - бағалы қағаздар мен инвестициялық жобалар департаменті директорының орынбасары - қор бөлімінің бастығы, 1998 жылдан - бағалы қағаздар мен инвестициялық жобалар басқармасының (Қор және кастодиалдық операциялар басқармасы болып қайта аталған) бастығы. 2001 жылдан - ҚР Еңбек және халықты әлеуметтік қорғау министрлігі Жинақтаушы зейнетақы қорларының қызметін реттеу жөніндегі комитет төрағасының орынбасары. 2002 жылдың ақпанынан қыркүйегіне дейін - Қазақстан Қаржыгерлер қауымдастығының сақтандыру және зейнетақы секторы жөніндегі директоры. 2003 жылдың шілдесінен - Халықаралық еңбек ұйымының «Мекен-жайлық әлеуметтік көмек жүйесін бағалау» жобасының консультанты. 2003 жылдың қазанынан - «Еуразиялық банк» АҚ басқарма төрағасының орынбасары. 2005 жылдан - «Алматы халықаралық әуежайы» АҚ қаржы жөніндегі вице-президенті. 2006 жылдан - «Қазақстанкаспийшельф» АҚ бас директорының қаржы және экономика жөніндегі орынбасары. 2007 жылдан - «Wealth Capital» АҚ басқарма төрайымы, директорлар кеңесінің мүшесі. 2009 жылдың қаңтарынан - «Delta Bank» АҚ басқарма төрағасының орынбасары - басқарма мүшесі, 2009 жылдың ақпанынан - басқарма төрайымы міндетін атқарушы, 2009 жылдың наурызынан бері - Директорлар кеңесінің төрайымы, 2009 жылдың қыркүйегінен бері - Директорлар кеңесінің мүшесі. 2009 жылдың ақпанынан бері - «Пана Иншуранс» СК» АҚ Директорлар кеңесінің төрайымы.