Митч Грасси

Уикипедия — ашық энциклопедиясынан алынған мәлімет
Jump to navigation Jump to search

Митчелл Коби Майкл Грасси[өңдеу]

Митчелл Коби Майкл Грасси, қысқартқанда Митч Грасси — әнші, музыкант, американдық акапелла жанрында өлең айтатын Pentatonix квинтетінің мүшесі. Осыған қоса оның ұжымдасы әрі жақын досы Скотт Хоуингпен бірге YouTube желісінде Superfruit атты ғаламтор-шоуын жүргізеді.

Биография[өңдеу]

Митч Техас штатында, Арлингтонда туып өскен. Ата-анасы – Майк және Нэл Грасси. Сонымен қатар оның өзінен 7 жас үлкен Джесса атты әпкесі бар. Митчтің анасы – тіс дәрігері, әпкесі – штаттан тыс жазушы.

Стоктт Хоуингпен Митч «Чарли және шоколадты фабрика» қойылымында бастауыш сыныптарды танысқан. Сонан кейін жоғарғы сыныптарда олар Кирстин Малдонадоны кездестіріп, а капелла-триосын құрды. 2010 жылы осы үштік Леди Гаганың Telephone әніне кавер нұсқа жазып шықты. 2011 жылы «The Sing-Off» жобасында олардың қатарына Кевин Олушола және Ави Каплан қосылды. Квинтет осы жобаның үшінші маусымының жеңімпазы болып табылды. Жоба үшін Митчқа мектеп бітіру аясында өткен аттестат тапсыру салтанатты кешінен қалу керек болды. Топтың атын қоюда Скотт Хоуинг өте жақсы ой айтты. Пентатоника сөзінен шыққан бұл ат октавадағы бес ноталы музыкалық ауқымды білдіреді. Осыған қоса топ мүшелерінің саны да бесеу болатын. Қазіргі уақытқа дейін осы құрам өзгерген емес.

Мансабы[өңдеу]

Митч топтағы контратенор және топтың жас бойынша ең кіші мүшелерінің бірі. Қазіргі уақытқа дейін Pentatonix төрт әнжинақ жариялаған. Олардың ішіндегі «That’s Christmas To Me» аталатыны екі мәрте сатылымға жіберілген. 2015 жылы ақпан айында Грэмми марапатында «Daft Punk» атты композициямен «Үздік аспаптық аранжировка немесе а капеллалық аранжировка» номинациясын жеңіп алды. YouTube сайтында 12 миллионнан астам көрермен және миллиардтан астам шолу жинап үлгерген. 2015 жылы Грэмми марапатында «Dance Of The Sugar Plum Fairy» атты композициямен екінші «Үздік аспаптық аранжировка немесе а капеллалық аранжировка» номинациясын жеңіп алды.

Өзге жобалары[өңдеу]

2013 жылы тамыз айында досы әрі әріптесі Скотт Хоуингпен бірге YouTube желісінде Superfruit атты ғаламтор-шоуын құрады және бұл арнада әрбір сейсенбі күні бір видео жарияланып тұрады. Өздерінің видеоларында бұл достар жарыстар ұйымдастырады, көрермендердің сұрақтарына жауап береді. Осыған қосаөзге де ютуб желісінің блоггерлерімен және танымал тұлғалармен шығарылымдар шығарады. Музыканттар Бейонсе, Тейлор Свифт, Трой Сиван және өзге танымал әншілердің хит әндеріне кавер нұсқа шығарып, жариялайды. Бұл арнаның 2 миллионнан астам көрермендері бар.

Дереккөз[өңдеу]

↑ Pentatonix Win Best Arrangement, Instrumental Or A Cappella