Михаил Борисович Ходорковский
Үлгі:Infobox Михаил Ходорковский (маусымның 26, 1963, Мәскеу)— белгілі ресейлік кәсіпкер, қоғам қайраткері, Ресейлік ЮКОС компаниясының бұрынғы басшыларының бірі (1997—2004 жж). 2003 жылы ұсталып, Ходорковский мен Лебедев мұнай ұрлаған және арам жолмен келген ақшаны заңдастырған деген айыппен сотталған. Екеуіне сот үкімі бойынша 13,5 жылға сотталды, тағайындалған жаза мерзімі 2016 жылы бітуі тиіс. АҚШ пен Еуропа үкіметтері Ходорковскийге шығарылған сот үкімінің саяси астары бар болуы мүмкін деп қауіптенетіндерін айтты.[1] Михаил Ходорковский – Кремльді кекетіп, мұқатып отыратын сыншы. Жақтастары оның түрмеге отыруының саяси сипаты бар деп есептейді.
Қазіргі уақытта жабылып қалған аса ірі ЮКОС мұнай компаниясының бұрынғы президенті, Карелия түрмесінде жазасын өтеп жатқан Михаил Ходорковский очерктерін жариялай бастады. Бірақ бұл жазбалар оның саяси көзқарасы немесе басынан өткен қиындықтар жайында емес, «темір тордың арғы жағындағы» өмір, бірнеше тұтқынның тағдырлары жайында.[2] Дегенмен, 2011 жылы қыркүйекте Адам құқықтары бойынша Еуропа сотының шешіміне сәйкес, Ресей үкіметі "Юкос" мұнай компаниясына қарсы сот процесінде бірнеше заңбұзушылық жасаған. Алайда сот "үкімет "Юкосты" әдейі жоймақшы болды" деген айыпты жоққа шығарды.[3]