Михаил Викентьевич Баярунас

Уикипедия — ашық энциклопедиясынан алынған мәлімет
Jump to navigation Jump to search
Михаил Викентьевич Баярунас
Туған күні

1882 (1882)

Туған жері

Воронцово-Александровское, Ставрополь өлкесі, Ресей империясы

Қайтыс болған күні

1940 (1940)

Қайтыс болған жері

Магадан, Магадан облысы, РКФСР, КСРО

Азаматтығы

 КСРО
Flag of Russia.svg Ресей империясы (1882-1922)

Ғылыми аясы

геология

Ғылыми жетекші

Николай Иванович Андрусов

Баярунас Михаил Викентьевич (18821940) – ғалым, геолог.

Өмірбаяны[өңдеу]

1907 ж. Н.Андрусов, оның ұлы Л.Андрусов, М.Клерлермен, 1908 ж. Н.Андрусовпен, 1910 ж. Киев университетінің студенті А.С. Савченкомен, одан кейінгі жылдарда А.Нацкий, Б.Личков, В.Мокринский, т.б. саяхатшылармен бірге Маңғыстауда бірнеше рет болып, ғылыми-зерттеу жұмыстарын жүргізді. Осы сапарларында Бомбей университетінің түлегі, маңғыстаулық геолог Оразмұханбет Тұрмағанбетұлымен достасып, өлкені бірге зерттейді.

Баярунастың алғашқы еңбегі – Маңғыстау уезі далалық бөлігінің геология зерттеу есебін 1910 ж. проф. Н.Андрусовтың алғы сөзі есепті хатымен императорлық Орыс геология қоғамына жолдайды.

1910 ж. Кетік – Қарақия – Тасбас – Тұзбайыр – Үстірт – Көкбұлақ – Қызылит – Алаторпа – Таушық бағытымен жүріп өтіп түбекте тұңғыш тектоникалық зерттеу жүргізді, геологиялық түсірім жасады. Марганец кенін тауып, Таушық көмірін барлауды жалғастырды. Сол сапарлары кезінде бірнеше фотосуреттер қалдырды. Үкінің тұлыбын жасап, Германияның зоология мұражайына тапсырды. Маңғыстаудың суағар аңғарлары туралы, т.б. еңбектер жазды.

1936 ж. түбекте соңғы рет болып, Қаратау жотасының геологиялық түсірімін бастап, бітіре алмады.

1937 ж. Ленинградта (қазіргі Санкт-Петербург) «халық жауы» ретінде тұтқындалып, Колыма лагерінде қаза тапты.

Баярунас зерттеу мақсатымен Саратов маңында, Солтүстік Кавказда, Грузияда,Әзербайжанда, Түрікменстанда, Торғай өлкесінде де болған.[1]

Дереккөздер[өңдеу]

  1. «Батыс Қазақстан облысы» энциклопедиясы, Алматы, 2002;