Михаил Михайлович Кириченко

Уикипедия — ашық энциклопедиясынан алынған мәлімет
Jump to navigation Jump to search
Кириченко Михаил Михайлович
Туған күні

28 қараша 1923(1923-11-28)

Туған жері

Володар ауданы, Солтүстік Қазақстан

Қайтыс болған күні

8 мамыр 1994(1994-05-08) (70 жас)

Қайтыс болған жері

Изюм қаласы

Мемлекет

 Кеңестік Социалистік Республикалар Одағы

Әскер түрі

жаяу әскер

Қызмет еткен жылдары

1942 жылы

Атағы

Гвардия командирі

Шайқасы

Ұлы Отан Соғысы

Кириченко Михаил Михайлович – 1923 жылы 28 қазанда Солтүстік Қазақстан облысы Володар (қазіргі Айыртау) ауданы Лавровка селосында туған. 1941 жылы Алматының жаяу әскерлер училищесін бітірген. Ұлы Отан соғысына 1942 жылдың тамызынан қатысқан. І Белорус майданы 8 ­гвардия Әскеріның батальон командирінің орынбасары гвардия капитаны Кириченко 1944 жылы 1 тамызда Висла өзенінен өту үшін жаудың үлкен күшімен шайқасқа түсті. Төрт сағатқа созылған ұрыста Кириченконың отряды карсыластарының қорғанысын бұзып, Руда­-Тарновска, Вулька­-Тарновска (Польша) елді мекендерін басып алды. Осындай қолайлы плацдармды басып алған Кириченко біздің әскерлердің Висла өзені арқылы өтуге жағдай жасады. Осы күндері ол үкімет наградасына ұсынылған болатын. Бірақ КСРО Жоғарғы Кеңесі Төралқасының Жарлығы тек 1991 жылдың 5 мамырында шықты. Михаил Михайлович Кириченкоға Кеңес Одағының Батыры атағы берілді. Соғыстан кейін батыр армиядағы қызметін жалғастырды.1945 жылы офицерлер құрамын жетілдіру курсын бітірді. 1955 жылдан майор Кириченко запаста болды. Мәскеу қаласында тұрды. «Главмосавтотранстың» автожолдар басқармасында аға инженер болып істеді. Екі рет Ленин, екі рет Қызыл Жұлдыз ордендерімен марапатталды. Харьков облысындағы Изюм қаласының Құрметті азаматы. 1994 жылдың 8 мамырында қайтыс болған.

Дереккөздер[өңдеу]

  1. Тарихи тұлғалар. Танымдық - көпшілік басылым. Мектеп жасындағы оқушылар мен көпшілікке арналған. Құрастырушы: Тоғысбаев Б. Сужикова А. – Алматы. “Алматыкітап баспасы”, 2009
  2. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011.