Михаил Станиславович Шайдоров
| Михаил Шайдоров | |
 Шайдоров, 2024 жыл | |
| Жеке мағлұматтары | |
|---|---|
| Мемлекет | |
| Лақап аты |
Миша Шайдоров |
| Туған күні | |
| Туған жері | |
| Бойы |
1,74 метр |
| Бапкері | |
| Марапаттары |
|
Михаил Станиславович Шайдоров (25 маусым 2004 жыл, Алматы) — қазақстандық мәнерлеп сырғанаушы, 2026 жылғы қысқы Олимпиада чемпионы, бес мәрте мәнерлеп сырғанаудан Қазақстан чемпионы (2019–2023).
Шайдоров 2026 жылы Италияда өткен қысқы Олимпиада ойындарында алтын жүлде жеңіп алып, Қазақстан тарихындағы қысқы Олимпиадада чемпион атағын алған екінші спортшы атанды.[1]
Жеке өмірі
[өңдеу | қайнарын өңдеу]Шайдоров 2004 жылғы 25 маусымда Алматыда дүниеге келген. Әкесі Станислав Шайдоров — Қазақстанның бірнеше дүркін чемпионы.[2]
Мансабы
[өңдеу | қайнарын өңдеу]Ерте мансабы
[өңдеу | қайнарын өңдеу]Михаилды мәнерлеп сырғанауға әкесі Станислав баулыған болатын. Михаил бұл спортпен алты жасынан бері айналысып келген. Тұңғыш тәжірибесін Денис Тен сырғанаған алматылық мұз айдындарында алған болатын.[3]
2010 жылы Балуан Шолақ атындағы спорт сарайы ашылды да, Шайдоров сол жерде жаттығуды бастады. Дәл осы жерде ол Денис Тенмен кездескен де болатын.[3]
Кәсіби мансабы
[өңдеу | қайнарын өңдеу]Мәнерлеп сырғанаудан кәсіби мансабын Шайдоров 2018 жылы Сочиге көшкесін бастаған еді. Осы кездері ол Олимпиада чемпионы Алексей Урмановпен жаттығуын бастады. Сол жылғы сәуірде ол Egna Spring Trophy халықаралық турнирінде төртінші орын алса, қарашада Ыстанбұлдық Bosphorus Cup жарысында күміс медаль жеңіп алды.[3]
2022 жылғы Жастар арасындағы мәнерлеп сырғанаудан әлем чемпионатында Шайдоров күміс жүлдегері атанып, Илья Малининге жеңіледі. 2025 жылғы Бостондағы Әлем чемпионатында қарсыласымен тағы шайқасып, осы мәрте де күміс жеңеді.[3]
2025 жылғы Азия ойындарында ол қола медаль жеңген болатын. Сол жылғы Төрт құрлық чемпионатында ол алтын жүлдегері де атанды.[4]
Шайдоров арқасында Қазақстан осылайша қысқы Олимпиада ойындары тарихындағы екінші алтын медаліне қол жеткізді. Бұған дейін Олимпиада ойындарында ел атынан алғаш рет жеңген спортшы — 1994 жылғы алтын жүлдегер шаңғышы Владимир Смирнов еді.[1] Шайдоров алтын медаль аламын деп ойламағанын да айтқан: фаворит-қарсыласы Илья Малинин қателік жасап, сегізінші орынға жайғасқан болатын.[3]
Марапаттары
[өңдеу | қайнарын өңдеу]2026 жылғы 14 ақпанда Қазақстан президенті Тоқаев Шайдоровты 2-дәрежелі Барыс орденімен марапаттады.[5]
Дереккөздер
[өңдеу | қайнарын өңдеу]- ↑ a b Мәнерлеп сырғанаушы Михаил Шайдоров 2026 жылғы Олимпиада ойындарында алтын медаль жеңіп алды (қаз.). Қазақстан Республикасы Ұлттық Олимпиадалық комитеті (14 ақпан 2026). Тексерілді, 14 ақпан 2026.
- ↑ Меделбек, Руслан Михаил Шайдоров – олимпиада чемпионы (қаз.). Азаттық радиосы (13 ақпан 2026). Тексерілді, 14 ақпан 2026.
- ↑ a b c d e Әбітай, Ақсәуле 32 жылдан кейін келген чемпион: Михаил Шайдоров туралы не білеміз (қаз.). kz.kursiv.media (14 ақпан 2026). Тексерілді, 14 ақпан 2026.
- ↑ Өмірхан, Ақерке Бүгін күллі қазақтың үкілеген үміті Михаил Шайдоров Олимпиаданың жүлдесіне таласады (қаз.). stan.kz (13 ақпан 2026). Тексерілді, 14 ақпан 2026.
- ↑ Сатиева, Кәмшат Мемлекет басшысы Михаил Шайдоровты II дәрежелі "Барыс" орденімен марапаттайды (қаз.). kaz.zakon.kz (14 ақпан 2026). Тексерілді, 16 ақпан 2026.
- 25 маусымда туғандар
- 2004 жылы туғандар
- Алфавит бойынша тұлғалар
- Алматыда туғандар
- 2 дәрежелі Барыс орденінің иегерлері
- Алфавит бойынша мәнерлеп сырғанаушылар
- Алфавит бойынша спортшылар
- Мәнерлеп сырғанаудан Олимпиада чемпиондары
- Қазақстан мәнерлеп сырғанаушылары
- Мәнерлеп сырғанаудан Қазақстан чемпиондары
- Қазақстан Олимпиада чемпиондары
- 2026 жылғы Қысқы Олимпиада ойындарының чемпиондары
- 2026 жылғы Қысқы Олимпиада ойындарындағы мәнерлеп сырғанаушылар