Михаэла Камбей
| Михаэла Камбей | |
| рум. Mihaela Valentina Cambei | |
_2018.jpg) | |
| Жеке мағлұматтар | |
|---|---|
| Толық есімі |
Михаэла Валентина Камбей |
| Азаматтығы | |
| Мамандандыру |
ауыр атлетика |
| Туған күні | |
| Туған жері |
Бакэу, Румыния |
Михаэла Камбей (рум. Mihaela Valentina Cambei 18 қараша 2002 жылы туған, Дофтяна, Бакэу) — Румыниялық ауыр атлет, 2023 жылғы Еуропа чемпионы, 2021 жылғы Еуропа чемпионатының қола жүлдегері, 2018 жылғы жасөспірімдер арасындағы жазғы Олимпиада ойындарының жүлдегері. Жасөспірімдер мен қыздар арасында Еуропаның үш дүркін чемпионы.
Мансабы
[өңдеу | дереккөзін өңдеу]2018 жылы Камбей Аргентина астанасы Буэнос-Айресте өткен жасөспірімдер арасындағы жазғы Олимпиада ойындарында 48 келі салмақ дәрежесінде қола медаль жеңіп алды. Румынияның Бухарест қаласында өткен 2019 жылғы ауыр атлетикадан жасөспірімдер және 23 жасқа дейінгі Еуропа чемпионатында ол жұлқа көтеру, серпе көтеруде және жалпы есепте әйелдер арасында 49 келі салмақта күміс медаль жеңіп алды.[1]
2021 жылы Ресейдің Мәскеу қаласында өткен ауыр атлетикадан Еуропа чемпионатында Камбей 49 келі салмақ дәрежесінде қола жүлдегер атанды.[2] Ол Өзбекстанның Ташкент қаласында өткен ауыр атлетикадан жасөспірімдер арасындағы әлем чемпионатында да күміс жүлдегер атанды.
Камбай 2022 жылы Албанияның Дуррес қаласында өткен ауыр атлетикадан жасөспірімдер және 23 жасқа дейінгі Еуропа чемпионатында алтын медаль, осы жылы Колумбияның Богота қаласында өткен ауыр атлетикадан әлем чемпионатында әйелдер арасында 49 келі салмақта күміс медаль жеңіп алды.
2023 жылы Арменияның Ереван қаласында ауыр атлетикадан өткен Еуропа чемпионатында әйелдер арасында 49 келі салмақ дәрежесінде алтын медаль жеңіп алды. Ол сондай-ақ жұлқа көтеру және серпе көтеруде алтын медальға ие болды.[3]
2023 жылы Сауд Арабиясының Эр-Рияд қаласында ауыр атлетикадан өткен әлем чемпионатында әйелдер арасында 49 келі салмақта жұлқа көтеруде қола жүлдегер атанды.[4]
2024 жылдың тамыз айында Камбей 2024 жылы Парижде (Франция) өткен жазғы Олимпиада ойындарында әйелдер арасында 49 келі салмақ дәрежесінде өнер көрсетті. Жұлқа көтеруде ол 93 келіні көтеріп, бірінші орын алды. Ол кейін серпе көтеруде 112 келіні көтеріп, жалпы есепте 1 келіге озған қытайлық Хоу Чжихуйден кейін екінші орынға тұрақтады.[5]
Дереккөздер
[өңдеу | дереккөзін өңдеу]- ↑ Михаэла Камбей. Тексерілді, 7 сәуір 2025.
- ↑ Cambei Mihaela (Румыния). Тексерілді, 7 сәуір 2025.
- ↑ Штанга және әйел сұлулығы: ауыр атлетикадан ең әдемі 5 қыз. Тексерілді, 7 сәуір 2025.
- ↑ Михаэла Валентина Камбей. Тексерілді, 7 сәуір 2025.
- ↑ Михаэла Камбей. Тексерілді, 7 сәуір 2025.