Мнемосұлба

Уикипедия — ашық энциклопедиясынан алынған мәлімет
Jump to navigation Jump to search
A.

Мнемосұлба, (мнемосхема, mnemonіc) – сигналдық таблоның, қалқаншалар мен басқару пульттері панельдерінің бет жағында сұлба түрінде орналасқан шартты белгілер жиынтығы. Мнемосұлба бақыланатын, басқарылатын қондырғының, стансаның, ғимараттың, мекеменің элементтерін бейнелейтін символдардан құрастырылады. Символ ретінде жалпы қабылданған белгілер, не басқарудың нақты нысандарын бейнелейтін пішінделген кескіндер пайдаланылады. Мнемосұлбалар ақпаратты бейнелейтін әр түрлі құралдар (дисплейлер, меңзерлік және цифрлық құралдар, проекциялық техника, т.б.) және олардың кешендері арқылы жүзеге асырылады. Мнемосұлбаның операторлық және диспетчерлік түрлері бар. Жұмыс принципі мен жасалу ерекшелігіне қарай Мнемосұлба мимик, жарық-сәулелік және аралас (жартылай жарық-сәулелік) түрлерге ажыратылады. Мимикалық мнемосұлба да шартты белгілер мен байланыстырғыш сызықтар түрлі түсті бояумен ерекшеленеді; жеке құрылғылар мен басқару нысандарына, екі түсті шам (қызыл мен жасыл) орнатылады. Қызыл түсті шамның жануы – сұлбаның, машинаның немесе аппараттың іске қосылғанын, ал жасыл түсті шам – қажетті құрылғылар жұмысының тоқталғанын білдіреді. Жарық-сәулелік мнемосұлбада бақыланатын нысанның күйі туралы деректер мнемосұлба элементтерінің жарықтануы немесе түсінің өзгеруі, т.б. ерекшеліктері бойынша бейнеленеді. Оған люминесценттік, т.б. мнемосұлбалар жатады. Аралас (жартылай жарық-сәулелік) мнемосұлбада тек негізгі түйіндік элементтер ғана жарқырауық болып жасалады. Мнемосұлба лар энергетикалық нысандар және жүйелерді диспетчерлік басқару пункттерінде, өнеркәсіптің әр түрлі салаларында технологиялық процестерді басқару пункттерінде кеңінен қолданылады.

Дереккөздер[өңдеу]