Молда Ораз Жүсіпұлы

Ораз молда Жүсіпұлы, (1814 – 68, кей деректерде 1804 – 75, Сырдария ауданы) – ақын, аудармашы.

Ескіше хат танып, Бұхара қаласындағы Көкілташ медресесін бітірген, Бағдатта білім алған. Кейін Көкілташ медресесінде ұстаздық еткен. Шағатай, парсы тілдерін меңгеріп, Ә.Фирдоусидің «Шаһнамасын» түпнұсқадан қазақ тіліне алғаш аударған (1830 – 65). Оның аудармасы Қиямерстің (Каюмарс) патша тағына отыруынан басталады. Соңғы тарауларда мифтік аңыздарға орын берілген.